Jesoiya 49:8 - Pennsylvania Dutch Bible

⁸ Dess is vass da Hah sawkt: “An di zeit funn gnawt havvich diah andvat gevva, un am dawk funn di saylichkeit havvich diah kolfa. Ich zayl dich heeda un macha es du en bund bisht zu di leit, fa's land zrikk nemma, un's fadauva land fadayla unnich di eahvah.

Jesoiya 49:8 ပူးပေါင်းရင်းမြစ်များ

2. Samuel 7:13

Eah is da vann es en haus bauwa zayld fa mei Nohma, un ich setz da kaynich-shtool funn sei kaynich-reich uf fa'immah.

Psalm 2:8

Frohk mich, un ich gebb di heida fa dei eahbshaft, un di ends funn di eaht fa dei sei.

Psalm 69:13

Avvah fa mich, oh Hah, mei gebayt is zu diah, an di zeit vann's diah shiklich is. In dei grohsi leevi, gebb miah andvat mitt dei grohsi saylichkeit.

Psalm 75:3

Vann di eaht un awl iahra leit ziddahra, dann hayb ich iahra poshta grawt uf. (Sela)

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

Jesoiya 27:3

Ich, da Hah, gebb acht druff, ich vessah een di gans zeit. Ich heet een dawk un nacht, so es nimmand ebbes dutt zu eem.

Jesoiya 41:10

Feich dich nett; ich binn bei diah. Sei nett engshtlich; ich binn dei Gott. Ich mach dich shteik un helf diah; ich hayb dich uf mitt di rechts hand funn mei gerechtichkeit.

Jesoiya 42:1

“Gukket moll, do is mei gnecht, deah es ich ufshtay difoah un fashteik, mei raus-groofanah, deah es ich frayt habb drinn. Ich habb mei Geisht uf een gedu; eah zayld recht richtes zu di heida bringa.

Jesoiya 42:6

“Ich, da Hah, habb dich groofa in gerechtichkeit; ich hayb dich bei dei hand un heet dich. Ich mach dich en bund fa di leit, un en licht zu di heida,

Jesoiya 44:26

deah es di vadda funn sei gnechta voah macht, un ausdrawkt vass foahksawt vatt bei selli es eah shikt, deah es sawkt veyyich Jerusalem, ‘Leit zayla drinn voona,’ un veyyich di shtett funn Juda, ‘Si zayla gebaut vadda,’ un veyyich selli es nunnah grissa sinn, ‘Ich zayl si ufbauwa,’

Jesoiya 49:19

Du voahsht nunnah grissa un leah, un dei land voah fadauva, avvah nau zaylsht du zu glay sei fa awl dei leit, selli es dich fadauva henn sinn veit vekk.

Jesoiya 51:16

Ich habb mei vadda in dei maul gedu, un dich fashtekkeld im shadda funn mei hand. Ich habb di himla in da blatz gedu un da grund glaykt fa di eaht, un binn sellah es sawkt zu Zion, ‘Diah sind mei leit.’”

Jesoiya 51:3

Da Hah zayld Zion drayshta, un zayld bamhatzich sei zu iahra veeshti bletz; eah macht iahra vildahnis vi Eden, un iahra drukka land vi em Hah sei goahra. Frayt un fraylichkeit vatt kfunna datt, un aw dankboahkeit un di yacht funn singes.

Jesoiya 54:3

Fa du zaylsht ausnannah gay, uf di rechts un di lings seit. Dei nohch-kummashaft zayld di heida ivvah-nemma, un in iahra leahri shtett voona.

Jesoiya 55:6

Suchet da Hah diveil es eah kfunna sei kann, roofet zu eem diveil es eah nayksht is.

Jesoiya 57:13

Vann du roofsht fa hilf, dann loss awl dei abgettah diah helfa! Da vind zayld si awl fatt drawwa, en glennah ohften blohst si vekk. Avvah da mensh es in mich draut, zayld's land aykna, un mei heilichah berg eahva.”

Jesoiya 58:12

Eiyah leit zayla ivvah ufbauwa vass lang zrikk nunnah kfalla voah, un zayla bauwa uf sell vass gegrund voah difoah. Si zayla's folk kaysa sei es di lechah zu mavvahra, un di shtrohsa fabessahra vo leit voona.”

Jesoiya 58:5

Is sell di satt fashtes es miah kfellich sei soll? Is es yusht en dawk es en mensh sich daymeedicha dutt? Dutt ebbah yusht sei kobb nunnah beeya vi en shtengel, un dutt sekk-glaydah un esh unnich sich? Is sell vass diah en fasht hayset, un en dawk es da Hah ohnemma soll?

Jesoiya 61:2

Eah hott mich kshikt fa's yoah breddicha fumm Hah sei gnawt, un da dawk breddicha es unsah Gott zrikk betzawld, un fa selli drayshta es heila,

Jesoiya 61:4

Si zayla viddah ufbauwa vass zammah kfalla voah, un di bletz fixa es lang zrikk fadauva voahra: Si macha di fadauvana shtett viddah nei, selli es lang zrikk nunnah grissa voahra.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Matthäus 26:28

Fa dess is mei bloot fumm Neiya Teshtament vo ausgleaht vatt fa feel leit, so es iahra sinda fagevva sei kenna.

2. Korinther 6:2

Fa eah sawkt, “An di recht zeit habb ich dich keaht, un im dawk funn di saylichkeit habb ich diah kolfa.” Gukket moll, nau is di zeit funn gnawt; nau is da dawk funn saylichkeit.

Epheser 1:6

zumm lohb funn sei heilichi gnawt. Deich dee gnawt hott eah uns ohgnumma gmacht in seim leebshta.

Hebräer 12:24

zu Jesus, da middel-mann fumm neiya bund, un zumm kshpritzt bloot, vo shvetzt veyyich bessah sach es es bloot fumm Abel.

Hebräer 5:7

In di dawwa funn seim layva, hott Jesus gebayda un ohkalda mitt en laudi shtimm un mitt awwa-vassah zu demm vo een halda hott kenna fumm doht. Un eah voah keaht gvest veil eah Gott di eah gevva hott.

Hebräer 8:6

Avvah nau hott Jesus en bessahrah deensht grikt, aynah es grawt so feel bessah is es da nei bund is ivvah da ald. Da nei bund is deah vo eah da middel-mann is zvishich Gott un mensha, un en bund vo gegrund is uf bessahri fashprechinga.