Jesoiya 49:20 - Pennsylvania Dutch Bible

²⁰ Di kinnah es geboahra voahra diveil es du keild hosht, zayla noch sawwa es du's heahsht, ‘Deah blatz is zu glay fa uns, gebb uns may blatz fa drinn voona.’

Jesoiya 49:20 ပူးပေါင်းရင်းမြစ်များ

2. Kaynicha 6:1

Di brofayda-kinnah henn moll ksawt zumm Elisa, “Gukk moll, da blatz vo miah voona mitt diah is zu glay fa uns.

Jesoiya 29:23

Fa vann eah sei kinnah saynd um sich rumm, di eahvet funn mei hend, dann doon si mei nohma heilich halda. Si gevva eah zumm Heilicha fumm Jakob, un firchta da Gott funn Israel.

Jesoiya 51:3

Da Hah zayld Zion drayshta, un zayld bamhatzich sei zu iahra veeshti bletz; eah macht iahra vildahnis vi Eden, un iahra drukka land vi em Hah sei goahra. Frayt un fraylichkeit vatt kfunna datt, un aw dankboahkeit un di yacht funn singes.

Jesoiya 60:4

Hayb dei awwa uf un gukk um dich rumm: Si fasamla sich un kumma awl zu diah; dei boova kumma funn veit ab, un dei mayt vadda in di eahm gedrawwa.

Hosea 1:10

Doch, di Kinnah-Israel zayla sei vi da sand am say nohch, si kenna nett gmessa adda gezayld sei. Vo's ksawt voah zu eena, ‘Diah sind nett mei leit,’ zayld's ksawt sei zu eena, ‘Diah sind di kinnah fumm Levendicha Gott.’

Sacharia 10:10

Ich zayl si zrikk bringa funn Egypta, un ich sammel si zammah funn Assyria. Ich bring si in di lendah funn Gilead un Lebanon, un's zayld nett genunk blatz datt sei fa si.

Sacharia 2:4

un hott ksawt zu eem, “Shpring, un sawk zu sellah yung mann, ‘Jerusalem zayld en shtatt sei unni vanda veil so feel mensha un fee drinn is.

Matthäus 3:9

Un denket nett unnich nannah es diah gerecht sind veil diah sawwa kennet, ‘Miah sinn fumm Abraham sei nohch-kummashaft.’ Ich sawk eich, Gott kann nohch-kummashaft macha fa da Abraham aus dee shtay.