Jesoiya 48:8 - Pennsylvania Dutch Bible

⁸ Diah hend nett keaht diveyya, adda's fashtanna, eiyah oahra voahra nett uf even lang zrikk. Ich habb goot gvist es diah nett gedraut sei kennet, un es diah ivvah-dreddah voahret funn muddahs-leib.

Jesoiya 48:8 ပူးပေါင်းရင်းမြစ်များ

Psalm 40:6

Shlacht-opfahra un shpeis-opfahra sinn diah nett kfellich, avvah mei oahra hosht du uf gmacht. Brand-opfahra un sind-opfahra hosht du nett kfrohkt difoah.

Psalm 51:5

Ich voah sindlich geboahra, un voah sindlich vo ich ohkfanga voah in mei muddah iahra leib.

Psalm 58:3

Di gottlohsa gayn letz fumm dawk es si geboahra sinn; funn muddahs-leib gayn si letz un sawwa leeya.

Jesoiya 21:2

En veeshti vision voah miah gvissa, da rawvah rawbt, un da zvay-ksichtich faroht. Edom, gay un fecht; Media, umringd di shtatt. Ich zayl en end macha funn awl's yammahres es see gmacht hott.

Jesoiya 26:11

Oh Hah, dei hand is hohch ufkohva, avvah si sayna see nett. Loss si dei bekimmahnis sayna fa dei leit, un loss si sich shemma. Loss es feiyah es du haldsht fa dei feinda si fazeahra.

Jesoiya 33:1

Vay zu diah, du es faveeshta dusht, du selvaht voahsht nett faveesht! Un du fafiahrah, nimmand hott dich fafiaht! Vann du moll ufheahsht faveeshta, zaylsht du selvaht faveesht vadda; vann du moll shtobsht fafiahra, zaylsht du selvaht fafiaht vadda.

Jesoiya 42:25

So hott eah sei gleedichah zann ausgleaht uf si, un da unfashtand es kumd funn greek. Dess hott si ohkshtekt mitt flamm, avvah si henn's nett fashtanna. Es hott si gebrend, avvah si henn's nett zu iahra hatz gnumma.

Jesoiya 46:8

Fagesset dess nett avvah denket drivvah; nemmet's zu hatz, diah ivvah-dreddah.

Jesoiya 47:11

Avvah evil zayld uf dich kumma, un dei zaubahrei kann's nett shtobba. Evil zayld uf dich falla, un dei opfah nemd's nett vekk. Fadauves es du nett foah-sayna kansht zayld bletzlich uf dich kumma.

Jesoiya 48:4

Fa ich habb gvist vi dikk-kebbich es diah sind, di flexa in eiyah hels sinn vi eisa, eiyah shtanna sinn vi bronze.

Jesoiya 48:7

Si sinn kshaffa nau, nett lang zrikk; diah hend nett keaht funn dee sacha eb heit. Dess is so es diah nett sawwa kennet, ‘Yau, miah henn gvist diveyya.’

Jesoiya 50:5

Gott da Hah hott mei oah uf gmacht, un ich habb mich nett geyyich een kshteld adda zrikk gedrayt.

Jesoiya 57:4

Veah sind diah am fashpodda? Geyyich veah machet diah eiyah maul grohs uf un shtekket eiyah zung raus? Sind diah nett kinnah funn ivvah-dreddah, kinnah funn leeyah?

Jeremia 3:20

Avvah vi en fraw es di ay brecht mitt iahrem mann, so hott's haus funn Israel di ay gebrocha mitt miah,’” sawkt da Hah.

Jeremia 5:11

Di leit funn Israel un di leit funn Juda henn mich folshtendich nunnah gedrayt,” sawkt da Hah.

Jeremia 5:21

Heichet dess ab, diah leit unni eisicht un es nix fashtaynd, diah hend awwa, avvah kennet nett sayna, un hend oahra, avvah kennet nett heahra.

Jeremia 6:10

Zu vemm kann ich shvetza un en vanning gevva? Veah heicht mich ab? Iahra oahra sinn zu kshtobt so es si nett heahra kenna. Si shpodda ivvah's vatt fumm Hah, un vella nix vissa difunn.

Hosea 5:7

Si voahra nett shtandhaftich mitt em Hah; iahra kinnah heahra nett zu eem. Iahra falshah glawva am Neiya-Moon, zayld si un iahra land uf fressa.

Hosea 6:7

Si henn's bund ivvah-gedredda vi mennah, un so vi datt, henn si geyyich mich kshaft.

Hosea 7:9

Fremdi fressa sei graft uf, avvah eah vayst's nett. Sei hoah sinn am groh vadda, un eah saynd's nett.

Maleachi 2:11

Juda voah nett shtandhaftich zu Gott un si henn en grauslich ding gedu in gans Israel un Jerusalem; Juda hott da tempel unheilich gmacht, deah es da Hah leeb hott, un hott en dochtah funn en fremdah gott keiyaht.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

5. Mosi 31:16

No hott da Hah ksawt zumm Mosi, “Du zaylsht glei gay shlohfa mitt dei feddah, un glei noch sellem zayla dee leit abfalla un sich gevva zu di fremdi gettah fumm land es si nei gayn. Si zayla mich falossa un zayla's bund nimmi halda es ich gmacht habb mitt eena.

5. Mosi 31:18

No zayl ich geviss mei ksicht fashtekla sellah dawk, veil si awl dess eviles gedu henn un sinn zu anri gettah gedrayt.