Jesoiya 48:3 - Pennsylvania Dutch Bible

³ Lang zrikk habb ich di sacha foahksawt katt es blatz gnumma henn, mei maul hott si ksawt un si vissa gmacht, no bletzlich habb ich's gedu, un's voah so.

Jesoiya 48:3 ပူးပေါင်းရင်းမြစ်များ

Jesoiya 29:5

Avvah dei feel feinda zayla vadda vi shtawb, un di grohs drubb unfashtendlichi leit vi shprau es bletzlich fatt geblohsa vatt.

Jesoiya 30:13

Dann zayld dee sind vadda fa eich vi en hohchi vand mitt en riss un en bohwa drinn, un es bletzlich zammah fald.

Jesoiya 37:29

Veil du geyyich mich rawsht, un veil ich keaht habb funn dei shtolsheit, dann doon ich mei hohka in dei naws, un mei gebiss in dei maul, un mach dich zrikk gay da vayk es du kumma bisht.”

Jesoiya 37:7

Nau heichet moll! Ich zayl en geisht in een du so es vann eah en kshvetz heaht, dann gayt eah zrikk in sei ayya land. Datt bring ich een um mitt em shvatt.’”

Jesoiya 41:22

“Bringet eiyah gettah, un losset si sawwa vass blatz nemma zayld. Sawwet uns vass eahshtah gvest voah, so es miah drivvah denka kenna, un vissa kenna vi's ausdrayya zayld, adda losset uns vissa vass noch am kumma is.

Jesoiya 41:27

Ich voah da eahsht es zu Zion ksawt hott, ‘Gukket, do sinn si!’ Ich habb en mann zu Jerusalem kshikt mitt selli gooda vadda.

Jesoiya 42:9

Gukket, di sacha es ich foahksawt habb henn nau blatz gnumma; nau sawk ich eich neiyi sacha. Un eb si blatz nemma, sawk ich si zu eich.”

Jesoiya 43:9

Loss awl di heida zammah kumma, un awl di leit sich fasamla. Vels funn eena hott dess foahksawt, un uns ksawt vass eahshtah blatz gnumma hott? Loss si iahra zeiknisa foah bringa, un veisa es si recht voahra, so es anri's heahra kenna, un sawwa, “Es is voah.”

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Joshua 21:45

Nett ayns funn di goodi fashprechinga es da Hah gmacht hott zumm haus funn Israel is unfolfild ganga. Alli vann voah folfild.