Jesoiya 48:16 - Pennsylvania Dutch Bible

¹⁶ Kummet do zu miah, un heichet dess: Fumm alli eahshta habb ich nett hinna rumm kshvetzt. Funn di zeit es es blatz nemd, binn ich datt.” Un nau da Awlmechtich Hah hott mich kshikt mitt seim Geisht.

Jesoiya 48:16 ပူးပေါင်းရင်းမြစ်များ

Jesoiya 34:1

Kummet nayksht, diah heida, un heichet ab; heichet goot ab, diah leit! Loss di gans eaht heicha, un alles es drinn is, di gans veld, un alles es aus iahra kumd.

Jesoiya 41:1

“Seind shtill un heichet mich ab, diah islands! Loss di leit iahra graft fashteika! Loss si nayksht kumma un shvetza; vella zammah kumma un mitt-nannah richta.

Jesoiya 43:13

Yau, funn ayvichkeit, voah ich Gott, un nimmand kann dess aus mei hand nemma. Vann ich shaff, veah kann's fa'ennahra?”

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Jesoiya 57:3

“Avvah diah, kinnah funn en veibsmensh zaubahrah, kummet do heah, diah kinnah funn aybrechah un huahra!

Lukas 4:18

“Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Johannes 18:20

Jesus hott ksawt zu eem, “Ich habb grawt fanna rumm kshvetzt zu di veld. Ich habb gebreddicht in di Yudda gmay-heisah un im tempel vo awl di Yudda zammah kumma, un ich habb nix hinna rumm ksawt.

Johannes 3:34

Fa deah vo Gott kshikt hott shvetzt di vadda funn Gott; zu eem gebt Gott da Geisht unni en ausmessa.