Jesoiya 47:10 - Pennsylvania Dutch Bible

¹⁰ Du hosht dich uf dei ungettlichkeit falossa, un hosht ksawt, ‘Nimmand saynd mich.’ Dei veisheit un lanning henn dich fafiaht, un du hosht ksawt in deim hatz, ‘Ich binn, un's is nimmand vi mich.’

Jesoiya 47:10 ပူးပေါင်းရင်းမြစ်များ

Psalm 10:11

Da gottlohs mann sawkt zu sich selvaht, “Gott hott's fagessa; eah dekt sei ksicht zu un zayld's nee nett sayna.”

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

Psalm 64:5

Si famohna nannah mitt em evil es si im sinn henn, si shvetza veyyich iahra falla fashtekla, si sawwa, “Veah zayld uns sayna?”

Breddichah 8:8

Kenn mensh hott di graft fa da geisht zrikk hayva, un nimmand hott graft ivvah da dawk funn seim doht. Nimmand vatt lohs glost an di zeit funn greek, grawt so, ungettlichkeit drayt selli nett frei es es ausdrawwa.

Jesoiya 28:15

Diah hend ksawt, “Miah henn en bund gmacht mitt em doht, un mitt em grawb. Vann si moll gans ivvahraus uf uns lohs gayn, dann zayld's uns fafayla, fa miah henn di leek un falshheit unsah fashtekkel-blatz gmacht.”

Jesoiya 29:15

Vay zu selli es hatt broviahra fashtekla fumm Hah vass si im sinn henn fa du, zu selli es iahra sacha doon im dunkla, un sawwa, “Veah saynd uns? Veah zayld's vissa?”

Jesoiya 44:20

Eah feedaht sich mitt esh, sei fafiaht hatz drayt een vekk. Eah kann sich selvaht nett saylich macha un sawwa, “Is dess ding in mei rechtsi hand nett en leek?”

Jesoiya 47:8

Nau dann, heich moll zu demm, du es blesiah gleichsht, du es aus di kfoah hoksht, un sawksht in deim hatz, ‘Ich binn, un's is nimmand vi mich. Ich zayl nee kenn vitt-fraw sei, adda mei kinnah faliahra.’

Jesoiya 5:21

Vay zu selli es sich selvaht sayna mitt veisheit, un mayna si sinn shmeaht.

Jesoiya 59:4

Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Jeremia 23:24

Kann ennich ebbah sich so goot fashtekla es ich een nett sayna kann?” sawkt da Hah. “Doon ich nett da himmel un di eaht uf filla?” sawkt da Hah.

Jeremia 9:23

Dess is vass da Hah sawkt: “Loss da mann mitt veisheit nett braekka veyyich sei veisheit, adda da shteik mann veyyich sei graft, adda da reich mann veyyich sei geld.

Ezekiel 8:12

No hott eah ksawt zu miah, “Mensha-kind, hosht du ksenna vass di eldishti fumm haus funn Israel am du sinn im dunkla, yaydahs in sei shtubb mitt abgott-gleichnisa? Si sawwa, ‘Da Hah saynd uns nett; da Hah hott's land falossa.’”

Ezekiel 9:9

No hott eah ksawt zu miah, “Di sinda fumm haus funn Israel un Juda sinn oahrich grohs; es land is foll bloot-fageeses, un di shtatt gebt nimmand sei recht. Si sawwa, ‘Da Hah hott's land falossa; da Hah saynd dess nett.’

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Zephania 2:15

Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.

Römer 1:22

Diveil es si sich gnumma henn fa veisheit havva, sinn si narra vadda.

1. Korinther 3:19

Fa di veisheit funn deahra veld is vi dumhayda zu Gott. Fa's is kshrivva, “Eah fangd dee mitt veisheit in iahra aykni shlichtheit.”