Jesoiya 46:6 - Pennsylvania Dutch Bible

⁶ Dayl leahra gold aus iahra sekk, un veeya silvah uf di vohk; no dinga si en gold-shmitt fa en gott raus macha, un gneeya sich nunnah un deena's.

Jesoiya 46:6 ပူးပေါင်းရင်းမြစ်များ

1. Kaynicha 12:28

Da kaynich hott no roht grikt un hott zvay goldichi hamlen gmacht. Eah hott ksawt zu di leit, “Es is zu hatt fa eich es diah nuff an Jerusalem gay seddet. Do sinn eiyah gettah, oh Israel, dee es eich ruff aus Egypta gebrocht henn.”

Psalm 115:7

Si henn hend, avvah si kenna nett feela; si henn fees, avvah si kenna nett lawfa, un si kenna kenn yacht macha mitt iahra hals.

2. Mosi 32:8

Si henn sich kshvind vekk gedrayt fumm vayk es ich si gebodda habb. Si henn sich en abgott gegossa in di shayb funn en kalb un henn's ohgebayda. Si henn opfahra gmacht zu demm kalb un henn ksawt, ‘Dess sinn dei gettah, Oh Israel, es dich ruff aus Egypya-land gebrocht henn.’”

Jesoiya 2:8

Iahra land is kfild mitt abgott-gleichnisa; si gneeya nunnah zu sach es iahra hend gmacht henn, sell es iahra fingah kshaft henn.

Jesoiya 30:22

Diah zaylet eiyah abgott-gleichnisa falossa es ivvah-gezowwa sinn mitt silvah un aw eiyah gegossani abgettah es ivvah-gezowwa sinn mitt gold. Diah zaylet si fatt shmeisa es vi ebbes drekkiches, un zaylet sawwa, “Fatt mitt eich!”

Jesoiya 45:20

Fasamlet eich zammah un kummet, kummet zammah diah es ivvahrich sind funn di heida. Selli es holsichi abgettah rumm drawwa vissa nix; si bayda zu en gott es nett helfa kann.

Jeremia 10:14

Alli-ebbah is dumm un vayst nix, da gold-shmitt muss sich shemma mitt sei abgettah. Sei gleichnisa sinn falsh, un henn kenn layva in sich.

Jeremia 10:9

Blech gmacht funn silvah vatt bei gebrocht funn Tharsis, un gold funn Uphas. Vass da shreinah un da gold-shmitt gmacht henn, is no ivvah-gezowwa mitt en bloh un purpel glayt. Awl dee abgettah sinn gmacht bei gegawbdi mensha.

Jeremia 50:38

Drukkanes zayld ivvah iahra vassahra kumma! Si zayla ufdrikla. Babylon is en land foll shreklichi abgettah; di leit gayn vild ivvah si.

Daniel 3:1

Da Kaynich Nebukadnezar hott en gleichnis gmacht aus gold es neintzich foos hohch voah un nein foos brayt. Eah hott dess gleichnis ufkokt in di plains funn Dura di landshaft funn Babylon.

Hosea 13:2

Nau doon si may un may sindicha, si macha gleichnisa aus silvah fa sich selvaht, abgettah es shay gmacht voahra, avvah si voahra awl gmacht mitt mensha hend. Si sawwa, “Di mennah es opfahra vella, missa di abgott-kelvah kissa.”

Di Apostelgeschichte 17:29

Nau vann miah Gott sei nohch-kummashaft sinn, sedda miah nett denka es di Gottheit is vi gleichnisa vo gmacht sinn funn gold adda silvah adda shtay, un es gmacht sinn funn mensha hend un gedanka.