Jesoiya 46:10 - Pennsylvania Dutch Bible

¹⁰ Ich mach's end gvissa fumm ohfang, un funn lang zrikk biss vass noch am kumma is. Vass ich du vill, zayld shtay, un ich du sell es ich du vill.

Jesoiya 46:10 ပူးပေါင်းရင်းမြစ်များ

1. Mosi 3:15

Ich du en hass zvishich dich un's veibsmensh, un zvishich dei sohma in iahra sohma. Eah zayld dei kobb fadredda, un du zaylsht sei feahshta shtecha.”

1. Mosi 49:10

Da zeptah soll nett vekk gnumma sei fumm Juda, un aw nett da kaynich shtokk funn zvishich sei fees, biss sellah kumd vo's ditzu heaht, un awl di leit sich zu eem henka zayla.

Hiob 23:13

Avvah eah shtayt laynich; veah kann geyyich een gay? Eah dutt vass eah vill.

Psalm 135:6

Da Hah dutt vass-evvah es eah vill im himmel un uf di eaht, im say un in di deefa bletz.

Psalm 33:11

Da roht fumm Hah shtayt fa'immah, un di gedanka funn seim hatz ayvichlich.

Shpricha 19:21

En mann hott feel sacha im sinn fa du, avvah da Hah zayld's ausrichta vi eah's vill.

Shpricha 21:30

'Sis kenn veisheit, kenn eisicht un kenn roht, es ufshtay kann geyyich da Hah.

Jesoiya 10:12

Vann avvah da Hah awl sei eahvet faddich gmacht hott geyyich da Berg Zion un Jerusalem, dann sawkt eah, “Ich zayl da kaynich funn Assyria shtrohfa fa sei hohchmeedich hatz un shtolsi awwa.

Jesoiya 14:24

Da Awlmechtich Hah hott kshvoahra, “Vass ich ausgmacht habb fa du, so zayld's sei, vass ich im sinn habb, so zayld's shtay.

Jesoiya 25:1

Oh Hah, du bisht mei Gott, ich hayb dich uf un lohb dei nohma; du voahsht shtandhaftich un hosht vundahboahri sacha gedu, sacha es du im sinn katt hosht lang zrikk.

Jesoiya 40:8

Es graws favelkt un di blumma falla ab, avvah's vatt funn unsah Gott shtayt fa'immah.”

Jesoiya 41:21

Bringet eiyah sach foah,” sawkt da Hah. “Losset eiyah seit funn di sacha vissa,” sawkt em Jakob sei Kaynich.

Jesoiya 41:4

Veah hott dess gedu un's ausgedrawwa, veah hott di mensha iahra nohch-kummashaft groofa fumm ohfang? Es is mich, da Hah, da eahsht un da letsht. Ich binn Een.”

Jesoiya 43:13

Yau, funn ayvichkeit, voah ich Gott, un nimmand kann dess aus mei hand nemma. Vann ich shaff, veah kann's fa'ennahra?”

Jesoiya 44:7

Veah is vi ich binn? Loss een's fakindicha. Loss een's sawwa un's auslayya fannich miah, funn di zeit on es ich mensha kshaffa habb. Loss si foah-sawwa vass noch am kumma is, un di sacha es blatz nemma zayla.

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Jesoiya 46:11

Ich roof en awdlah funn di east, un funn en land veit ab, en mann fa mei villa du. Vass ich ksawt habb, sell zayl ich du; vass ich im sinn habb, sell doon ich.

Jesoiya 48:14

Fasamlet eich un heichet: Veah unnich eena hott dee sacha foahksawt? Da Hah hott een leeb, deah es em Hah sei villa ausdrawwa zayld geyyich Babylon, sei oahm zayld geyyich di Chaldayah sei.

Jesoiya 48:3

Lang zrikk habb ich di sacha foahksawt katt es blatz gnumma henn, mei maul hott si ksawt un si vissa gmacht, no bletzlich habb ich's gedu, un's voah so.

Jesoiya 53:10

Doch voah's em Hah sei villa fa een shlauwa mitt grankheit un dreebsawl. Un veil eah sich gopfaht hott fa sinda, zayld eah sei nohch-kummashaft sayna un sei layva falengahra. Un em Hah sei villa vatt ausgedrawwa bei sei hand.

Jesoiya 55:11

grawt so is mei vatt es aus meim maul gayt: Es kumd nett zrikk leah, avvah's richt aus vass ich havva vill, un dutt vass ich's kshikt habb difoah.

Jeremia 44:28

Selli es nett doht gmacht vadda mitt em shvatt un es zrikk in's land Juda kumma funn Egypta zayla vennich sei. No vissa awl di ivvahricha funn Juda es ganga voahra fa in Egypta voona vemm sei vatt es shtay zayld—meins adda iahres.

Ezekiel 39:8

Gukket moll, es is am kumma, un's zayld ausgricht vadda, sawkt da Awlmechtich Hah. Dess is da dawk es ich kshvetzt habb diveyya.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Hosea 5:9

Ephraim zayld faveesht vadda, uf em dawk es ich si shtrohf. Unnich di shtamma funn Israel, doon ich si vanna vass blatz nemma zayld.

Di Apostelgeschichte 15:18

Gott vayst awl sei eahvet fumm ohfang funn di veld.

Di Apostelgeschichte 3:23

Un's zayld so sei es alli-ebbah es deah brofayt nett abheicht, deah zayld aus di leit vekk gebutzt sei.’

Di Apostelgeschichte 5:39

Avvah vann's funn Gott is, kennet diah's nett shtobba. Diah vellet nett kfunna sei am shaffa geyyich Gott.”

Hebräer 6:17

Nau veil Gott di eahvah funn sei fashpreching veisa hott vella es eah sei meind nett tshaynsht in vass eah du zayld, dann hott eah's greftich gmacht bei shveahra ditzu.