Jesoiya 45:5 - Pennsylvania Dutch Bible

⁵ Ich binn da Hah, un's is kenn anrah, es hott kenn Gott unni yusht mich; ich gebb diah graft, even vann du mich nett kensht,

Jesoiya 45:5 ပူးပေါင်းရင်းမြစ်များ

1. Kaynicha 8:60

Dess is so es awl di leit uf di gans eaht vissa es da Hah Gott is, un es es kenn anrah hott.

Ezra 1:2

“Dess is vass da Cyrus, da kaynich funn Persia, sawkt: ‘Da Hah, da Gott fumm himmel, hott miah awl di kaynich-reicha funn di eaht gevva un hott miah ksawt fa eem en haus bauwa an Jerusalem in Juda.

Hiob 12:18

Eah macht di kaynicha frei es gebunna sinn, un bind en duch um iahra bauch rumm.

Hiob 12:21

Eah gukt nunnah uf di evvahshta, un macht's belt lohs funn di mechticha.

Psalm 18:31

Fa veah is Gott, vann nett da Hah? Un veah is en Felsa, vann nett unsah Gott?

Psalm 18:32

Es is Gott es mich shteik macht, eah macht mei vayk grawt.

Psalm 18:33

Eah macht mei fees vi hasha fees, un lost mich in hohchi bletz shtay.

Psalm 18:39

Du hosht mich shteik gmacht fa fechta im greek, selli es geyyich mich voahra hosht du gmacht sich bikka fannich miah.

Psalm 86:10

Du bisht grohs un dusht vundahboahri verka; du laynich bisht Gott.

2. Mosi 9:14

Fa dessamohl shikk ich awl mei blohwa uf dich selvaht, dei gnechta un dei leit, so es du vissa solsht es nimmand is vi ich in di gans eaht.

Jesoiya 22:21

Ich zayl een glaydah mitt dei rokk un zayl dei belt um een rumm du, un ich gebb eem da foah-gengah blatz es als dei voah. Eah zayld da faddah sei zu selli es in Jerusalem voona un zumm haus funn Juda.

Jesoiya 37:20

Nau, oh Hah unsah Gott, hald uns frei funn sei hand, so es awl di kaynich-reicha uf di eaht vissa kenna es du laynich Gott da Hah bisht.”

Jesoiya 43:10

“Diah sind mei zeiknisa,” sawkt da Hah, “un mei gnecht es ich raus glaysa habb. Dess is so es diah vissa kennet, miah glawva kennet, un fashtay kennet es ich een binn. Eb ich, voah kenn gott gmacht, un's zayld kennah sei noch miah.

Jesoiya 44:6

“Dess is vass da Hah sawkt— da Kaynich funn Israel, deah es saylich macht, da Awlmechtich Hah; Ich binn da eahsht un da letsht, unni mich hott's kenn Gott.

Jesoiya 44:8

Doond nett ziddahra un eich feicha. Habb ich's nett fakindicht un foahksawt lang zrikk? Diah sind mei zeiknis. Hott's en anrah Gott unni mich? Es hott kenn anrah Felsa; ich vays funn kennah.”

Jesoiya 45:1

“Dess is vass da Hah sawkt zumm Cyrus, sei ksalbdah, deah es ich gnumma habb bei sei rechtsi hand, so es eah di heida-lendah ivvah-nemd fannich eem, un di kaynicha iahra greeks-ksha nemd funn eena, so es di deahra uf sinn fannich eem, un di doahra nett zu sinn:

Jesoiya 45:6

so es leit vissa kenna, fumm blatz es di sunn ufkumd, biss vo see unnah gayt, es es kenn anrah hott vi yusht mich. Ich binn da Hah, un's hott kenn anrah.

Jesoiya 46:9

Meindet vass blatz gnumma hott lang zrikk. Ich binn Gott, un's hott kenn anra; ich binn Gott, un's is nimmand vi ich.

Jesoiya 47:8

Nau dann, heich moll zu demm, du es blesiah gleichsht, du es aus di kfoah hoksht, un sawksht in deim hatz, ‘Ich binn, un's is nimmand vi mich. Ich zayl nee kenn vitt-fraw sei, adda mei kinnah faliahra.’

Ezekiel 30:24

Ich mach di eahm fumm kaynich funn Babylon shteik un du mei shvatt in sei hand, avvah ich fabrech em Pharao sei eahm, un eah zayld yammahra fannich eem vi en mann es veesht vay gedu is.

Joel 2:27

No visset diah es ich in Israel binn, es ich da Hah eiyah Gott binn, un es es kenn anra hott. Un mei leit zayla sich nee nimmi shemma.

Johannes 1:1

Im ohfang voah's Vatt, un's Vatt voah bei Gott, un's Vatt voah Gott.

5. Mosi 32:39

Saynet nau, ich laynich binn Een, un's hott kenn gott nayvich mich. Ich mach doht, un ich mach levendich; ich habb vay gedu un ich zayl hayla, un nimmand kann ebbah aus mei hand nemma.

5. Mosi 4:35

Dee sacha voahra eich gvissa so es diah vissa kennet es da Hah laynich Gott is, es hott kenn anra unni een.

5. Mosi 4:39

So sellet diah heit vissa un zu hatz nemma es da Hah Gott is, drovva im himmel un do hunna uf di eaht; es hott kenn anra.