Jesoiya 45:20 - Pennsylvania Dutch Bible

²⁰ Fasamlet eich zammah un kummet, kummet zammah diah es ivvahrich sind funn di heida. Selli es holsichi abgettah rumm drawwa vissa nix; si bayda zu en gott es nett helfa kann.

Jesoiya 45:20 ပူးပေါင်းရင်းမြစ်များ

2. Chronik 25:15

Em Hah sei zann hott gebrend geyyich da Amazia, un eah hott en brofayt zu eem kshikt es ksawt hott zu eem, “Favass suchsht du di leit iahra gettah es iahra aykni leit nett aus dei hend halda henn kenna?”

2. Chronik 28:23

Eah hott opfahra gmacht zu di gettah funn Damascus, dee es een ivvah-kumma sinn, veil eah gedenkt hott, “Siddah es di gettah funn di kaynicha funn Syria eena kolfa henn, dann mach ich opfahra zu eena so es si miah helfa.” Avvah dee henn een yusht gmacht falla un aw gans Israel mitt eem.

Psalm 115:8

Selli es dee abgettah macha, zayla vadda vi si, un aw awl selli es sich falossa uf si.

Jesoiya 4:2

In sellah dawk zayld da Nasht fumm Hah shay un hallich sei, un's frucht fumm land macht selli es ivvahrich sinn in Israel froh un shtols.

Jesoiya 41:21

Bringet eiyah sach foah,” sawkt da Hah. “Losset eiyah seit funn di sacha vissa,” sawkt em Jakob sei Kaynich.

Jesoiya 43:9

Loss awl di heida zammah kumma, un awl di leit sich fasamla. Vels funn eena hott dess foahksawt, un uns ksawt vass eahshtah blatz gnumma hott? Loss si iahra zeiknisa foah bringa, un veisa es si recht voahra, so es anri's heahra kenna, un sawwa, “Es is voah.”

Jesoiya 44:10

Veah sinn dee es en gott macha, un en abgettah-gleichnis geesa es nix veaht is?

Jesoiya 44:9

Awl selli es abgettah macha sinn goah nix, un iahra keshtlichi sacha sinn nix veaht. Selli es zeiya fa si, sinn blind un vissa nix. Si zayla fashohmd vadda.

Jesoiya 46:1

Da Bel beekt sich nunnah un da Nebo is kfalla. Iahra abgettah-gleichnisa sinn uf di bikkel funn oxa gedu. Di gleichnisa es diah rumm drawwet, sinn en lasht un sinn uf di meedi diahra gedu.

Jesoiya 48:14

Fasamlet eich un heichet: Veah unnich eena hott dee sacha foahksawt? Da Hah hott een leeb, deah es em Hah sei villa ausdrawwa zayld geyyich Babylon, sei oahm zayld geyyich di Chaldayah sei.

Jesoiya 57:13

Vann du roofsht fa hilf, dann loss awl dei abgettah diah helfa! Da vind zayld si awl fatt drawwa, en glennah ohften blohst si vekk. Avvah da mensh es in mich draut, zayld's land aykna, un mei heilichah berg eahva.”

Jeremia 10:14

Alli-ebbah is dumm un vayst nix, da gold-shmitt muss sich shemma mitt sei abgettah. Sei gleichnisa sinn falsh, un henn kenn layva in sich.

Jeremia 10:5

Vi en butzamann fa fekkel fatt yawwa im goahra, iahra abgettah kenna nett shvetza; si missa gedrawwa sei, veil si nett lawfa kenna. Feichet eich nett veyyich eena; si kenna eich kenn shawda du, un si kenna aw nix goodes du.”

Jeremia 10:8

Si sinn awl dumm un nett ksheit, iahra holsichi abgettah kenna si nix lanna.

Jeremia 48:13

No zayld Moab sich shemma veyyich iahra abgott Kemosh, so vi's haus funn Israel sich kshemd hott vo see iahra fadrauwa in Beth-El gedu hott.

Jeremia 48:47

Avvah in di letshta zeida mach ich Moab viddah fruchtboah,” sawkt da Hah. Do end da shtrohf es uf Moab kumma zayld.

Jeremia 50:28

Heichet di leit ab es vekk kumma sinn funn Babylon, vi si fazayla in Jerusalem veyyich vi da Hah unsah Gott selli zrikk betzawld hott, fa sell vass si gedu henn zu sei tempel.

Epheser 2:12

fagesset nett es an selli zeit voahret diah vekk funn Christus. Diah voahret auslendah, un hend nett zu di kshlecht funn Israel keaht. Diah hend kenn dayl katt in di teshtamendah funn fashpreching, un voahret unni hofning un unni Gott in di veld.

Epheser 2:16

Un aw es eah di zvay zammah bringa kann zu Gott in ay leib deich's greitz, un sellah vayk hott eah da hass zvishich eena doht gmacht.