Jesoiya 43:19 - Pennsylvania Dutch Bible

¹⁹ Gukket moll, ich zayl en nei ding du! 'Sis nau shund am blatz nemma; kennet diah's nett sayna? Ich zayl en vayk macha deich di vildahnis, un vassah-grikka deich's drukka land.

Jesoiya 43:19 ပူးပေါင်းရင်းမြစ်များ

Psalm 105:41

Eah hott da felsa uf gmacht, un vassah is raus gloffa, in drukkani bletz is es gloffa vi en revvah.

Psalm 126:4

Oh Hah, mach uns shteik vi difoah, so vi di vassah-grikka in di saut.

2. Mosi 17:6

Nau heich moll, ich zayl fannich diah shtay datt uf em shtay an Horeb. Du solsht da shtay shlauwa, un vassah zayld raus kumma, so es di leit drinka kenna.” No hott da Mosi dess gedu fannich di eldishti funn Israel.

Jesoiya 30:25

Uf em dawk es en grohs shlachtes blatz nemd un di hohcha tavvahs nunnah falla, zayla di grikka foll vassah lawfa funn alli hohchah berg un alli hohchah hivvel.

Jesoiya 32:2

Yaydahs funn eena zayld sei vi en blatz aus em vind, vi en blatz es ma sich fashtekla kann fumm shtoahm, vi en vassah-grikk es lawft in en drukka land, un vi da shadda funn en grohsah felsa in en drukkanah blatz.

Jesoiya 33:21

Da Hah zayld mechtich datt bei uns sei, es zayld en blatz sei mitt braydi revvahra un grikka. Kenn glay shiff mitt paeddels zayld datt gay, un kenn grohs shiff mitt sails foaht datt.

Jesoiya 35:1

Di vildahnis un's drukka land zayla sich froiya, es veesht land zayld fraylich sei un zayld bleeya mitt blumma.

Jesoiya 41:18

Ich mach di revvahra lawfa uf di bludda hivla, un mach di shpringa lawfa in di deicha. Ich mach di vildahnis in vassah-lechah, un da drukka grund in vassah-shpringa.

Jesoiya 41:19

Ich du dee baym in di vildahnis: cedar, acacia, myrtle un ayl-baym. Ich blans in's veesht-land pine, fir un cypress-baym.

Jesoiya 42:9

Gukket, di sacha es ich foahksawt habb henn nau blatz gnumma; nau sawk ich eich neiyi sacha. Un eb si blatz nemma, sawk ich si zu eich.”

Jesoiya 48:5

Fasell habb ich eich dee sacha ksawt lang zrikk; ich habb si ksawt eb si blatz gnumma henn, so es diah nett sawwa kennet, ‘Unsah abgettah henn dess gedu; unsah kshnitzeld gleichnis un gegossanah abgott henn's gedu.’

Jesoiya 48:6

Diah hend dee sacha keaht, nau gukket si awl oh. So favass vellet diah si nett glawva? Funn nau on sawk ich eich neiyi sacha, fashtekkeldi sacha es diah nett visset.

Jesoiya 49:10

Si zayla nett hungahrich adda dashtich sei, un di hitz un sunn dreft si nett. Sellah es bamhatzich is zu eena zayld si fiahra, un si an vassah-shpringa bringa.

Jesoiya 51:3

Da Hah zayld Zion drayshta, un zayld bamhatzich sei zu iahra veeshti bletz; eah macht iahra vildahnis vi Eden, un iahra drukka land vi em Hah sei goahra. Frayt un fraylichkeit vatt kfunna datt, un aw dankboahkeit un di yacht funn singes.

Jeremia 23:7

So sinn di dawwa am kumma,” sawkt da Hah, “vann di leit nimmi sawwa, ‘So shuah es da Hah laybt es uns ruff aus Egypta gebrocht hott,’

Jeremia 31:22

Vi lang zaylsht du ay un da annah vayk drayya, du unglawvich maydel? Da Hah dutt en nei ding uf di eaht— en fraw zayld en mann umringa.”

Jeremia 31:9

Si zayla heila vi si kumma; si zayla bayda vi ich si zrikk bring. Ich fiah si nayvich em frish vassah, uf en gladdi pawt vo si nett shtolbahra, fa ich binn da faddah funn Israel, un da Ephraim is mei eahsht-geboahranah.

4. Mosi 20:11

No hott da Mosi sei oahm ufkohva un hott da felsa zvay moll kshlauwa mitt em shtokk. Vassah is shteik raus gloffa, un di leit un iahra fee henn gedrunka.

2. Korinther 5:17

So, vann ennich ebbah in Christus is, is eah en nei-gmachtah mensh; es alda is faganga, un alles is nei vadda.

5. Mosi 8:15

Eah hott eich deich selli grohs un heslich vildahnis kfiaht, datt vo giftichi shlanga, scorpions un dashtichah grund unni vassah voah. Eah hott eich vassah aus em hadda shtay gebrocht.

Di Offenbarung 21:5

Deah vo uf em kaynich-shtool kokt hott, hott ksawt, “Gukk moll, ich mach alles nei.” No hott eah ksawt zu miah, “Shreib's anna, fa dee vadda sinn shtandhaftich un voah.”