Jesoiya 42:17 - Pennsylvania Dutch Bible

¹⁷ Avvah selli es sich falossa uf abgettah, un es sawwa zu gegossani gleichnisa, ‘Diah sind unsah gettah,’ vadda zrikk gedrayt un fashohmd.”

Jesoiya 42:17 ပူးပေါင်းရင်းမြစ်များ

Psalm 135:18

Selli es dee abgettah macha, zayla vadda vi si, un aw awl selli es sich falossa uf si.

Psalm 97:7

Awl selli es abgettah deena vadda fashohmd, selli es braekka veyyich iahra abgettah; baydet een oh, awl diah gettah!

2. Mosi 32:4

Eah hott si funn iahra hend gnumma un hott en abgott gegossa in di shayb funn en kalb. Eah hott's faddich kshaybt mitt en tool. No henn di leit ksawt, “Dess sinn dei gettah, oh Israel, es dich ruff aus Egypya-land gebrocht henn.”

2. Mosi 32:8

Si henn sich kshvind vekk gedrayt fumm vayk es ich si gebodda habb. Si henn sich en abgott gegossa in di shayb funn en kalb un henn's ohgebayda. Si henn opfahra gmacht zu demm kalb un henn ksawt, ‘Dess sinn dei gettah, Oh Israel, es dich ruff aus Egypya-land gebrocht henn.’”

Jesoiya 1:29

“Diah zaylet eich shemma veyyich di aycha-baym es diah glusht hend dinohch; diah vaddet fashohmd deich di goahra es diah ohgnumma hend.

Jesoiya 44:11

Selli es eem nohch gayn vadda fashohmd, di abgettah-machah sinn yusht mensha. Vann si awl zammah kumma un uf shtayn, zayla si awl ziddahra un fashohmd sei.

Jesoiya 44:17

Mitt em ivvahricha hols macht eah en gott, en gleichnis, eah gneet nunnah un deend een. Eah bayt ditzu un sawkt, “Du bisht mei gott, mach mich frei.”

Jesoiya 44:9

Awl selli es abgettah macha sinn goah nix, un iahra keshtlichi sacha sinn nix veaht. Selli es zeiya fa si, sinn blind un vissa nix. Si zayla fashohmd vadda.

Jesoiya 65:13

Fasell, dess is vass da Awlmechtich Hah sawkt: “Mei gnechta zayla essa, avvah diah zaylet hungahrich gay; mei gnechta zayla drinka, avvah diah zaylet dashtich sei; mei gnechta zayla fraylich sei, avvah diah zaylet fashohmd sei.

Jeremia 46:5

Avvah vass doon ich sayna?” sawkt da Hah. “Si sinn fagelshtaht, si sinn am vekk shpringa, iahra mechtichi mennah sinn gebodda. Si shpringa kshvind fatt, unni zrikk gukka, angsht is ivvahrawlich.