Jesoiya 42:16 - Pennsylvania Dutch Bible

¹⁶ Ich zayl di blinda fiahra in vayya es si nett gvist henn. Ich zayl eena foah gay in pawda es nett bekand sinn zu eena. Ich zayl's dunkla hell macha fannich eena, un unayvani bletz ayva macha. Dess sinn di sacha es ich du zayl; ich zayl si nett hokka lossa.

Jesoiya 42:16 ပူးပေါင်းရင်းမြစ်များ

Psalm 94:14

Da Hah lost sei leit nett hokka, un falost aw nett selli es sei eahbshaft sinn.

Breddichah 1:15

Vass grumm is, kann nett grawt gmacht sei; vass nett datt is, kann nett gezayld sei.

Breddichah 7:13

Denk droh vass Gott gedu hott: Veah kann grawt macha vass eah grumm gmacht hott?

Jesoiya 26:7

Da vayk funn di gerechta is ayva, du machsht di pawt funn di gerechta grawt.

Jesoiya 29:18

In sellem dawk zayla di dawba di vadda heahra in en buch, un aus iahra dunkli finshtahnis zayla di blinda sayna.

Jesoiya 29:24

Selli es letz denka im geisht zayla di voahret vissa, un selli es sich faglawwa, zayla sich lanna lossa.”

Jesoiya 30:18

Avvah doch da Hah vill gnaydich sei zu eich, un eah haybt sich uf fa bamhatzichkeit veisa zu eich. Veil eah en Gott is es immah dutt vass recht is. Ksaykend sinn awl selli es voahra fa een!

Jesoiya 30:21

Vann diah lings adda rechts drayya vellet dann heahret diah en shtimm hinnich eich es sawkt, “Dess is da vayk, gaynd deah vayk.”

Jesoiya 32:3

No doon selli es sayna kenna, iahra awwa nett zu macha un selli es heahra kenna, zayla goot abheicha.

Jesoiya 35:5

No vadda di awwa funn di blinda uf gmacht, un di oahra funn di dawba zayla heahra.

Jesoiya 35:8

Es zayld en grohsah vayk datt sei, un eah zayld da Heilich Vayk kaysa sei. Nimmand unreines dauf datt druff gay, da vayk is yusht fa sei leit; selli unni veisheit lawfa nett druff.

Jesoiya 40:4

Alli niddahrah blatz vatt ufkohva, un alli berg un hivvel vatt niddah gmacht; da unayva grund vatt ayva gmacht un di grobba bletz vadda glatt gmacht.

Jesoiya 41:17

Di aylendicha un oahma zayla sucha fa vassah, avvah's is kens datt; iahra zunga sinn drukka mitt dasht. Avvah, ich da Hah, gebb eena andvat; ich, da Gott funn Israel, loss si nett nunnah.

Jesoiya 41:3

Eah gayt eena nohch unni fahinnaht sei, bei en vayk es sei fees nett ganga sinn difoah.

Jesoiya 45:2

Ich zayl fannich diah heah gay, un di berga ayva macha. Ich fabrech di bronze doahra, un shneit di eisicha rikkel deich.

Jesoiya 45:7

Ich mach di helling un aw's dunkla, ich mach fridda un aw druvvel. Ich, da Hah, du awl dee sacha.

Jesoiya 48:17

Dess is vass da Hah, dei Frei-Shtellah, sellah es heilich is, sawkt: “Ich binn da Hah dei Gott, deah es dich land vass es besht is fa dich, deah es dich fiaht im vayk es du gay solsht.

Jesoiya 52:12

Avvah diah brauchet eich nett dumla vi diah gaynd, es vann diah am fatt shpringa veahret, fa da Hah zayld fannich eich heah gay, un da Gott funn Israel zayld eich heeda hinna nohch.

Jesoiya 54:13

Awl dei kinnah vadda gland beim Hah; si zayla kinnah sei mitt grohsah fridda.

Jesoiya 58:10

vann diah eich ivvah gevvet fa di hungahricha helfa, un machet es di aylendicha goah kenn noht henn, no zayld eiyah licht sheina im dunkla, un eiyah nacht vatt hell vi di mitt fumm dawk.

Jesoiya 62:12

Si zayla “Di Heilicha Leit” kaysa sei, “Di Leit Es Da Hah Saylich Gmacht Hott.” Un du vasht “Raus Ksucht” kaysa, “Di Shtatt Es Nimmi Falossa Is.”

Ezekiel 14:23

Diah vaddet gedrohsht vann diah iahra vayya saynet un vass si doon. No zayla diah vissa es ich nix gedu habb unni uahsach.” So sawkt da Awlmechtich Hah.

Hosea 2:14

“So nau zayl ich see zu miah lokka; ich fiah see in di vildahnis, un shvetz freindlich zu iahra.

Hosea 2:6

So, shtobb ich see bei danna-hekka in iahra vayk du; ich mach en vand es see da vayk nett finna kann.

Amos 5:8

Sellah es di free-yoah un shpoht-yoah shtanna gmacht hott, es es dunkla funn di nacht in da meiya macht, un es di helling funn dawk in di nacht macht; sellah es shikt fa's vassah fumm say, un leaht's ivvah di gans eaht— sei nohma is da Hah.

Lukas 3:5

Alli deich soll kfild sei, un awl di hivla un berga sella ayva gmacht sei, un di grumma bletz sella grawt gmacht sei, un di unayvani bletz sella glatt gmacht sei.

Di Apostelgeschichte 26:18

fa iahra awwa uf macha un si drayya fumm dunkla zumm licht, un funn di graft fumm Satan zu Gott. Dess is so es si iahra sinda fagevva greeya un en eahbshaft greeya mitt selli es heilich gmacht sinn deich da glawva an mich.’

Epheser 5:8

Fa diah voahret an ay zeit dunkelheit, avvah nau sind diah licht im Hah; lawfet vi kinnah fumm licht.

Hebräer 13:5

Losset eiyah layves-lawf sei unni en leevi fa geld, un seind zufridda mitt vass es diah hend. Fa eah hott ksawt, “Ich zayl dich nee nett falossa un aw dich nee nett nunnah lossa.”

Joshua 3:4

Sellah vayk visset diah vellah vayk zu gay veil diah deah vayk nee nett ganga sind difoah. Avvah haldet en blatz funn baut en dausend yoaht zvishich eich un di lawt. Doond nett nayksht gay.”

1. Petrus 2:9

Avvah diah sind en raus groofa kshlecht, en kaynichi preeshtahshaft, en heilich folk, en leit es zu Gott heaht, so es diah di vundahboahra sacha sawwa sellet veyyich eem, deah vo eich aus em dunkla groofa hott in sei vundahboahri helling.