Jesoiya 41:9 - Pennsylvania Dutch Bible

⁹ ich habb dich funn di endah funn di eaht gnumma, funn di veitshta ekkah habb ich dich groofa. Ich habb ksawt, ‘Du bisht mei gnecht’; ich habb dich groofa un dich nett nunnah gedrayt.

Jesoiya 41:9 ပူးပေါင်းရင်းမြစ်များ

Psalm 135:4

Da Hah hott da Jakob raus glaysa fa sich selvaht, un hott Israel gmacht fa sei ayknes sei.

Psalm 94:14

Da Hah lost sei leit nett hokka, un falost aw nett selli es sei eahbshaft sinn.

Jesoiya 11:11

In sellem dawk zayld da Hah viddah's zvett mohl sei hand naus langa, un zayld sei leit ohnemma es ivvahrich sinn— selli funn Assyria, Egypta, Pathros, Kush Elam, Shinar, Hamath, un selli es funn di islands fumm say sinn.

Jesoiya 14:1

Da Hah zayld bamhatzich sei zumm Jakob; eah nemd Israel viddah es sei aykni leit, un setzt si in iahra ayya land. Fremdi gayn zammah mitt eena un macha sich ayns mitt em haus fumm Jakob.

Jesoiya 41:2

Veah hott deah ufkshtatt funn di east, un rooft een in gerechtichkeit fa een deena? Eah drayt di heida ivvah zu eem, un macht een meishtah ivvah kaynicha. Eah macht si vi shtawb mitt sei shvatt un vi vind-gedrivva shprau mitt sei bow.

Jesoiya 41:8

“Avvah du, Israel, mei gnecht, da Jakob es ich raus glaysa habb, di nohch-kummashaft fumm Abraham, mei freind;

Jesoiya 42:1

“Gukket moll, do is mei gnecht, deah es ich ufshtay difoah un fashteik, mei raus-groofanah, deah es ich frayt habb drinn. Ich habb mei Geisht uf een gedu; eah zayld recht richtes zu di heida bringa.

Jesoiya 44:1

“Nau heich mich oh, mei gnecht Jakob, un Israel es ich groofa habb.

Jesoiya 45:4

Fa di sayk fumm Jakob mei gnecht, un Israel es ich raus glaysa habb, dann roof ich dich bei deim nohma, un gebb diah en nohma mitt grohsi eah. Ich du dess even vann du mich nett kensht.

Maleachi 1:2

“Ich habb eich leeb,” sawkt da Hah. “Avvah diah frohwet, ‘Vi kenna miah sayna es du uns leeb hosht?’ Voah nett da Jakob em Esau sei broodah?” sawkt da Hah. “Doch habb ich da Jakob leeb katt,

Lukas 13:29

Un leit zayla kumma funn di east un di west, funn di natt un di saut un zayla sich an da dish hokka im Kaynich-Reich funn Gott.

5. Mosi 14:2

fa diah sind en leit es heilich sinn zumm Hah eiyah Gott, un da Hah hott eich raus glaysa fa sei aykni leit sei funn awl di leit es uf di eaht sinn.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

Di Offenbarung 5:9

Un si henn en nei leet ksunga, un henn ksawt, “Du bisht's veaht fa's buch nemma un di seals uf macha. Fa du voahsht doht gmacht un dei bloot hott uns gekawft fa Gott funn alli kshlecht, un zung, un leit, un land.

1. Samuel 12:22

Fa di sayk funn seim grohsah nohma zayld da Hah sei leit nett fa'achta, veil's eem kfellich voah fa eich en leit macha fa sich selvaht.