Jesoiya 41:26 - Pennsylvania Dutch Bible

²⁶ Veah hott dess ksawt fumm ohfang es miah's vissa kenna, adda's foahksawt, so es miah sawwa kenna, ‘Du bisht recht’? Nimmand hott ksawt funn demm, nimmand hott's foahksawt, nimmand hott dei vadda keaht.

Jesoiya 41:26 ပူးပေါင်းရင်းမြစ်များ

Jesoiya 41:22

“Bringet eiyah gettah, un losset si sawwa vass blatz nemma zayld. Sawwet uns vass eahshtah gvest voah, so es miah drivvah denka kenna, un vissa kenna vi's ausdrayya zayld, adda losset uns vissa vass noch am kumma is.

Jesoiya 41:4

Veah hott dess gedu un's ausgedrawwa, veah hott di mensha iahra nohch-kummashaft groofa fumm ohfang? Es is mich, da Hah, da eahsht un da letsht. Ich binn Een.”

Jesoiya 43:9

Loss awl di heida zammah kumma, un awl di leit sich fasamla. Vels funn eena hott dess foahksawt, un uns ksawt vass eahshtah blatz gnumma hott? Loss si iahra zeiknisa foah bringa, un veisa es si recht voahra, so es anri's heahra kenna, un sawwa, “Es is voah.”

Jesoiya 44:7

Veah is vi ich binn? Loss een's fakindicha. Loss een's sawwa un's auslayya fannich miah, funn di zeit on es ich mensha kshaffa habb. Loss si foah-sawwa vass noch am kumma is, un di sacha es blatz nemma zayla.

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Jesoiya 46:9

Meindet vass blatz gnumma hott lang zrikk. Ich binn Gott, un's hott kenn anra; ich binn Gott, un's is nimmand vi ich.