Jesoiya 41:24 - Pennsylvania Dutch Bible

²⁴ Gukket moll, diah sind vi nix un eiyah eahvet is nix veaht; sellah es eich deend is grausam.

Jesoiya 41:24 ပူးပေါင်းရင်းမြစ်များ

Psalm 115:8

Selli es dee abgettah macha, zayla vadda vi si, un aw awl selli es sich falossa uf si.

Shpricha 28:9

Ebbah es sei oah vekk drayt funn's ksetz heahra, macht even sei gebaydah grausam.

Shpricha 3:32

Da Hah hast ebbah es evil dutt, avvah eah is en freind zumm ufrichticha.

Jesoiya 37:19

Si henn di leit iahra gettah in's feiyah kshmissa un si fabrend. Avvah si voahra nett gettah avvah yusht hols un shtay es gmacht voahra mitt mensha hend.

Jesoiya 41:29

Gukket moll, si sinn awl falsh, iahra kshefta mayna nix; iahra gettah sinn vi vind un leah.”

Jesoiya 66:24

“Un si zayla naus gay un di dohda leit sayna es sich geyyich mich kshteld henn. Iahra voahm gayt nett doht, un iahra feiyah vatt nett aus gmacht, si zayla grausam sei zu awl mensha.”

Jeremia 10:14

Alli-ebbah is dumm un vayst nix, da gold-shmitt muss sich shemma mitt sei abgettah. Sei gleichnisa sinn falsh, un henn kenn layva in sich.

Jeremia 10:15

Si sinn nix veaht un sedda fashpott vadda; vann si moll gricht vadda, gayn si folshtendich zu nix.

Jeremia 10:5

Vi en butzamann fa fekkel fatt yawwa im goahra, iahra abgettah kenna nett shvetza; si missa gedrawwa sei, veil si nett lawfa kenna. Feichet eich nett veyyich eena; si kenna eich kenn shawda du, un si kenna aw nix goodes du.”

Jeremia 10:8

Si sinn awl dumm un nett ksheit, iahra holsichi abgettah kenna si nix lanna.

1. Korinther 8:4

Nau veyyich sacha essa vo gopfaht voahra zu abgettah, miah vissa es en abgott nix is in di veld, un es es yusht ay Gott hott.

5. Mosi 27:15

“Faflucht is ennich ebbah es en abgott adda en gegossa gleichnis macht—en grauslich ding zumm Hah es gmacht is mitt di hend funn en shaff-meishtah—un hokt's uf, hinna rumm.” No sella awl di leit sawwa, “Amen!”

5. Mosi 7:25

Di gleichnisa funn iahra gettah sellet diah fabrenna im feiyah. Doond nett lushta fa's silvah adda's gold es druff is, un nemmet's nett, adda's vatt en fall fa eich. Sell sach is grausam zumm Hah eiyah Gott.

5. Mosi 7:26

Diah sellet so en grauslich ding nett in eiyah heisah bringa, so es diah selvaht nett aw en fluch uf eich greeyet vi sell ding. Diah sellet's veeshtahlich hassa, veil's en fluch uf sich hott.

Di Offenbarung 17:5

Un uf iahra shtann voah en nohma kshrivva es en fashtekkeldi mayning hott, “DI GROHS BABYLON, DI MUDDAH FUNN HUAHRA UN DI GRAUSLICHA SACHA FUNN DI VELD.”