Jesoiya 40:8 - Pennsylvania Dutch Bible

⁸ Es graws favelkt un di blumma falla ab, avvah's vatt funn unsah Gott shtayt fa'immah.”

Jesoiya 40:8 ပူးပေါင်းရင်းမြစ်များ

Psalm 111:8

Si sinn shtandhaftich fa'immah un immah, un sinn gedu in voahheit un gerechtichkeit.

Jesoiya 59:21

“Dess is mei bund es ich mach mitt eena,” sawkt da Hah. “Mei Geisht es uf diah is, un mei vadda es ich in dei maul gedu habb, zayla dei maul nett falossa, un aw nett di meilah funn dei kinnah, adda di meilah funn dei nohch-kummashaft nau un fa'immah,” so sawkt da Hah.

Jeremia 44:29

Dess zayld da zaycha sei zu eich es ich eich shtrohfa zayl in demm blatz,’ sawkt da Hah, ‘so es diah vissa kennet es mei vadda geyyich eich shtayn fa eich shawda du.’

Sacharia 1:6

Henn nett mei vadda un mei gebodda, dee es ich zu mei gnechta di brofayda gevva habb, eiyah foah-eldra gedroffa? Si henn no boos gedu un henn ksawt, ‘Da Awlmechtich Hah hott gedu zu uns grawt vass miah fadeend henn deich unsah vayya un verka. Eah hott dess gedu grawt vi eah ksawt hott es eah du zayld.’”

4. Mosi 23:19

Gott is nett en mensh, es eah leeya sett, un aw nett en mensha sohn, es eah nett dutt vass eah in meind hott. Sawkt eah ebbes, un dutt's no nett? Fashprecht eah, un macht's no nett goot?

Matthäus 24:35

Da Himmel un di eaht vadda fagay avvah mei vadda zayla nett fagay.”

Matthäus 5:18

Ich sawk eich di voahret; so lang es da Himmel un di eaht shtayn, zayld nett ay bushtawb, adda ay punka, vekk gnumma vadda fumm Ksetz, nett biss es alles folfild is.

Markus 13:31

Da Himmel un di eaht vadda fagay, avvah mei Vadda zayla nett fagay.”

Johannes 10:35

Vann eah dee leit gettah kaysa hott vo's Vatt Gottes ditzu kumma is—un di Shrift kann nett gebrocha vadda—

Johannes 12:34

Di leit henn no ksawt, “Miah henn keaht deich's Ksetz es Christus bleibt fa immah. Vo heah sawksht du es da Mensha Sohn muss uf kohva vadda? Veah is deah Mensha Sohn?”

1. Petrus 1:25

avvah's Vatt fumm Hah shtayt deich di ayvichkeit.” Sell Vatt is es Effangaylium vass gebreddicht voah zu eich.