Jesoiya 40:7 - Pennsylvania Dutch Bible

⁷ Es graws favelkt un di blumma falla ab, veil em Hah sei ohften druff blohst. Yau, leit sinn geviss vi graws.

Jesoiya 40:7 ပူးပေါင်းရင်းမြစ်များ

Hiob 14:2

Eah kumd uf vi en blumm, favelkt un fald ab; vi en shadda es fagayt, so bleibt eah nett.

Hiob 4:9

Bei Gott sei ohften kumma si um, un bei da vind funn sei zann kumma si an's end.

Hiob 41:21

Sei ohften shtekt kohla oh, un's flamm kumd aus sei maul.

Psalm 102:4

Mei hatz is nunnah kshlauwa un fadatt vi graws, so es ich fagess mei broht essa.

Psalm 103:15

Un veyyich em mensh, sei layva is vi graws, eah bleet vi en blumm im feld,

Psalm 103:16

no blohst da vind ivvah di blumm, un see is nimmi, un da blatz fagest alles veyyich iahra.

Psalm 90:5

Du nemsht mensha vekk im shlohf fumm doht, si sinn vi nei graws es meiyets shpraut,

Psalm 90:6

meiyets dutt's shprauda un dutt bleeya, avvah ohvets dutt's favelka un fadadda.

Jesoiya 11:4

Avvah mitt gerechtichkeit zayld eah di oahma richta, un zayld eahlich sei mitt di aylendicha im land. Eah zayld di eaht shlauwa mitt em shtekka funn sei maul, un mitt sei ohften zayld eah di gottlohsa doht macha.

Jesoiya 37:27

Iahra leit henn kenn graft may katt, si voahra engshtlich un fashohmd. Si sinn vadda vi di blansa im feld, vi glenni greeni blansa, vi's graws am vaxa uf em dach, es fadatt eb's vaxa kann.

Jesoiya 40:24

So kshvind es si geblanst sinn, so kshvind es si ksayt sinn, so kshvind es si eivatzla in di eaht, dann blohst eah uf si un si fadadda, un en vind-veahvel drawkt si vekk vi shprau.

Jesoiya 51:12

“Ich, yau ich, binn sellah es eich draysht. Veah bisht du es sich feicht veyyich mensha es shtauva, un veyyich mensha-kinnah es yusht sinn vi graws?

Haggai 1:9

“Diah hend gegukt fa feel, avvah's hott yusht vennich gevva. Un vass diah haym gebrocht hend, habb ich fatt geblohsa. Favass? Veil mei haus do nunnah-grissa leit, diveil es yaydah funn eich ufgnumma is mitt sei ayya haus,” sawkt da Awlmechtich Hah.

Jakobus 1:10

Avvah loss deah vo reich is sich froiya veil eah niddah gebrocht is vadda, fa grawt vi en blumm fumm feld fagayt, so zayld eah fagay.

Jakobus 1:11

Di sunn kumd uf mitt iahra hitz, un's graws favelkt; di blumma falla ab un iahra shayheit vatt fadauva. So aw zayld da reich mann fagay in sei vayya.