Jesoiya 38:13 - Pennsylvania Dutch Bible

¹³ Ich habb mich geduldich shtill gmacht biss meiyets, avvah eah hott awl mei gnocha fabrocha vi en layb; dawk un nacht macht eah en end funn miah.

Jesoiya 38:13 ပူးပေါင်းရင်းမြစ်များ

1. Kaynicha 20:36

Da brofayt hott no ksawt zu eem, “Veil du em Hah sei shtimm nett keicht hosht, dann zayld en layb dich doht macha so kshvind es du do falosht.” Vo da mann vekk ganga is, grawt is en layb kumma un hott een doht gmacht.

Hiob 7:6

Mei dawwa gayn kshvindah fabei es en shoddel funn en loom, un si enda unni hofning.

Psalm 32:4

Dawk un nacht voah dei hand shveah uf miah, mei graft voah ufgedrikkeld, vi in di hitz fumm summah. (Sela)

Psalm 39:10

Nemm dei shtraych funn miah vekk, ich binn am fagay deich di shtraych funn dei hand.

Psalm 50:22

Nau meik dess, du es Gott fagesht, eb ich dich in shtikkah fareis, un's is nimmand fa's fahalda:

Psalm 51:8

Loss mich frayt un freyyaheit heahra, loss di gnocha es du fabrocha hosht sich froiya.

Psalm 7:2

so es si mich nett fareisa vi en layb, un mich vekk shlayfa vo nimmand is fa helfa.

Psalm 90:5

Du nemsht mensha vekk im shlohf fumm doht, si sinn vi nei graws es meiyets shpraut,

Glawk-Leedah 3:4

Eah hott mei flaysh un haut ald gmacht, un hott mei gnocha fabrocha.

Daniel 6:24

Da kaynich hott no en gebott gevva, un selli mennah es da Daniel pshuldicht katt henn voahra in's loch kshmissa mitt di layb. Iahra veivah un kinnah voahra aw nei kshmissa mitt eena, un eb si uf da bodda kfalla sinn henn di layb si kfanga un henn awl iahra gnocha fabrocha.

Hosea 5:14

Ich zayl sei vi en layb zu Ephraim, vi en grohsah layb zu Juda. Ich reis si in shtikkah un gay difunn, ich drawk si fatt, un nimmand kann eena helfa.