Jesoiya 37:3 - Pennsylvania Dutch Bible

³ Si henn em Jesoiya ksawt, “Dess is vass da Hiskia sawkt: Deah dawk is en dawk funn angsht un zank un shohm, so vi vann veibsleit es am kinnah havva sinn un henn nett genunk graft es si geboahra sei kenna.

Jesoiya 37:3 ပူးပေါင်းရင်းမြစ်များ

2. Kaynicha 19:3

Si henn em Jesoiya ksawt, “Dess is vass da Hiskia sawkt: Deah dawk is en dawk funn angsht un zank un shohm, so vi vann veibsleit kinnah havva vella un henn nett genunk graft es si geboahra sei kenna.

2. Chronik 15:4

Avvah in iahra druvvel, sinn si zumm Hah, da Gott funn Israel, gedrayt. Si henn een ksucht, un eah hott sich finna glost.

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Psalm 91:15

Eah zayld mich roofa, un ich gebb eem andvat; ich zayl bei eem sei in druvvel; ich zayl een frei macha un eem eah gevva.

Psalm 95:8

fashtokket eiyah hatza nett vi diah hend an Meribah, adda an Massa sellah dawk in di vildahnis.

Jesoiya 22:5

Fa da Hah, da Awlmechtich Hah hott en dawk mitt fagelshtahres, nunnah-dreddes, un fashtatzes in di Valley funn Vision, en dawk es di vanda nunnah gebrocha vadda, un leit roofa naus zu di berga.

Jesoiya 25:8

Un eah shlukt da doht uf fa'immah. Gott da Hah zayld's awwa-vassah ab butza funn alli ksichtah, un nemd da shohm vekk funn awl sei leit uf di eaht. Da Hah hott kshvetzt.

Jesoiya 26:16

Hah, dei leit sinn zu diah kumma in iahra dreebsawl; an di zeit es du si kshtrohft hosht henn si yusht so ball pishbahra kenna.

Jesoiya 29:2

Avvah doch gebb ich Ariel angsht, un's gebt heiles un yammahres; di shtatt zayld sei vi en rechtah Ariel zu miah.

Jesoiya 33:2

Oh Hah, sei gnaydich zu uns, miah voahra uf dich. Sei unsah graft alli meiya, un sei unsah hilf an di zeit funn druvvel.

Jesoiya 66:7

Eb see kind-shmatza katt hott, voah's kind geboahra zu iahra; eb di shmatza uf see kumma sinn, hott see en boo geboahra.

Jesoiya 66:9

Soll ich's kind vaxa lossa biss an di geboahres zeit, un's no nett geboahra vadda lossa?” sawkt da Hah. “Soll ich, deah es es geboahres meeklich macht, es muddahs-leib zu macha?” sawkt eiyah Gott.

Jeremia 30:7

Vi furchtboah zayld sellah dawk sei! Es zayld sei vi kenn anra. Es is di zeit fumm Jakob sei druvvel avvah eah zayld frei gmacht sei difunn.

Hosea 13:13

Eah hott di shmatza funn en fraw am en kind havva, avvah's kind hott kenn veisheit; vann di zeit moll kumd, dann brecht eah nett aus em muddahs-leib.

Hosea 5:15

No gayn ich zrikk an mei blatz, biss si iahra shuld bekenna un gukka fa mei ksicht. In iahra aylend zayla si mich eahnshtlich sucha.”

Hosea 5:9

Ephraim zayld faveesht vadda, uf em dawk es ich si shtrohf. Unnich di shtamma funn Israel, doon ich si vanna vass blatz nemma zayld.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.