Jesoiya 36:17 - Pennsylvania Dutch Bible

¹⁷ biss ich kumm un eich in en land nemm vi eiyah ayknes, en land mitt frucht un neiyah vei, en land mitt broht un vei-goahra.

Jesoiya 36:17 ပူးပေါင်းရင်းမြစ်များ

2. Kaynicha 18:32

biss ich kumm un eich vekk hohl zu en land vi eiyah ayya land mitt frucht un neiyah vei, en land mitt broht un vei-goahra un en land mitt ayl-baym un hunnich. No zaylet diah nett shtauva avvah am layva bleiva. Heichet da Hiskia nett ab, veil eah am eich fafiahra is vann eah sawkt: ‘Da Hah zayld uns frei halda.’

2. Kaynicha 24:11

Diveil es sei gnechta am di shtatt eishpadda voahra, is da Nebukadnezar selvaht ruff an di shtatt kumma.

Hiob 20:17

Eah zayld di vassah-grikka nett sayna, di revvahra es lawfa mitt hunnich un millich.

2. Mosi 3:8

So binn ich runnah kumma fa si frei macha funn di Egyptah, un fa si ruff aus sellem land bringa in en goot un grohs land. In demm land lawft millich un hunnich vi vassah, un is da blatz vo di Kanaaniddah, di Hethiddah, di Amoriddah, di Pheresiddah, di Heffiddah un di Jebusiddah voona.

Shpricha 12:10

En gerechtah mann gebt acht uf sei fee, avvah's hatz funn di gottlohsa is nett bamhatzich.

Jesoiya 36:16

Heichet da Hiskia nett ab. Dess is vass da kaynich funn Assyria sawkt: Machet fridda mitt miah un kummet raus. No zayld alli-ebbah funn sei ayknah vei-shtokk un feiya-bohm essa un vassah drinka funn sei ayknah sistahn,

Jesoiya 36:18

Losset da Hiskia eich nett fafiahra vann eah sawkt, ‘Da Hah zayld uns frei halda.’ Hott da gott funn ennich land selayva sei land frei kalda fumm kaynich funn Assyria?

5. Mosi 11:12

Es is en land es da Hah eiyah Gott acht gebt druff. Di awwa fumm Hah eiyah Gott sinn immah druff fumm ohfang fumm yoah biss an's end fumm yoah.