Jesoiya 35:4 - Pennsylvania Dutch Bible

⁴ Sawk zu selli mitt engshtlichi hatza, “Seind shteik, feichet eich nett. Gukket moll, eiyah Gott zayld kumma, eah zayld kumma fa auseeva. Gott kumd fa eich helfa, eah macht's uf zu eich.”

Jesoiya 35:4 ပူးပေါင်းရင်းမြစ်များ

1. Chronik 28:20

No hott da Dawfit ksawt zu seim boo da Solomon, “Sei shteik un gedrohsht, un richt dess aus. Feich dich nett, un faliah nett moot, fa Gott da Hah, mei Gott, is mitt diah. Eah lost dich nett nunnah un falost dich nett biss du awl di eahvet gedu hosht fa da deensht im Hah sei haus.

Psalm 116:11

Un in meim angsht habb ich ksawt, “Awl mensha sinn leeyah.”

Psalm 145:19

Eah folfild di falanga funn selli es een firchta, eah heaht si roofa un helft eena.

Psalm 50:3

Unsah Gott kumd, un eah is nett shtill; feiyah es frest gayt fannich eem heah, un en grohsah shtoahm is um een rumm.

Psalm 94:1

Oh Hah, da Gott es zrikk betzawla dutt, du Gott es sacha recht machsht, veis dich.

Jesoiya 1:24

Fasell sawkt da Hah, da Awlmechtich Hah, sellah Awlmechtich funn Israel: “Ich zayl mei zann veisa geyyich eich, mei feinda, un diah es geyyich mich shaffet, betzawl ich zrikk.

Jesoiya 25:9

In sellah dawk zayld's ksawt vadda, “Dess is geviss unsah Gott; miah henn eem gedraut, un eah hott uns saylich gmacht. Dess is da Hah, miah henn unsah fadrauwa in een gedu, vella fraylich un froh sei in sei saylichkeit.”

Jesoiya 28:16

So dess is vass da Awlmechtich Hah sawkt, “Gukket moll, ich layk en shtay in Zion en shtay es ausbroviaht is, en keshtlichah ekk-shtay es goot gegrund is; veah in een glawbt, brauch nee nett angsht havva.

Jesoiya 31:5

Vi fekkel am fleeya ovva droh, so zayld da Awlmechtich Hah ivvah Jerusalem vatsha. Eah heet's un hald's aus di kfoah, eah fleekt ovva drivvah un macht's frei.

Jesoiya 32:4

Di meinds funn di ungeduldicha zayla no sacha recht fashtay, un di zunga es shtoddahra zayla sacha recht sawwa.

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Jesoiya 34:8

Fa da Hah zayld en dawk havva fa auseeva, en yoah fa di feinda funn Zion zrikk betzawla.

Jesoiya 37:20

Nau, oh Hah unsah Gott, hald uns frei funn sei hand, so es awl di kaynich-reicha uf di eaht vissa kenna es du laynich Gott da Hah bisht.”

Jesoiya 37:6

hott da Jesoiya ksawt zu eena, “Sawwet zu eiyah meishtah, ‘Dess is vass da Hah sawkt: Feichet eich nett veyyich di vadda es diah keaht hend—selli vadda funn di gnechta fumm kaynich funn Assyria es mich faleshtaht henn.

Jesoiya 40:2

Shvetzet freindlich zu Jerusalem, un sawwet zu iahra es iahra haddah deensht ivvah is, un es iahra sinda fagevva sinn, un es see double di shtrohf grikt hott fumm Hah sei hand fa awl iahra sinda.

Jesoiya 44:2

Dess is vass da Hah sawkt— deah es dich gmacht hott, un kshaffa hott in di muddah's leib; deah es diah helfa zayld: Feich dich nett, mei gnecht Jakob, un du Jesurun, deah es ich groofa habb.

Jesoiya 47:3

Dei nakkichheit vatt ksenna un dei shohm abgedekt. Ich zayl auseeva un nimmand zayld mich shtobba.”

Jesoiya 49:25

Vell, dess is vass da Hah sawkt: “Yau, kfangani kenna zrikk gnumma vadda funn di mechticha, un kshtohla sach kann gnumma sei funn di shteika. Ich zayl shtreida mitt selli es shtreida mitt diah, un ich mach dei kinnah frei.

Jesoiya 49:4

Avvah ich habb ksawt, “Ich habb kshaft fa nix; ich habb mei graft gevva un's hott nix gebatt. Doch, mei recht un vass zu miah heaht is im Hah sei hand, mei lohn is mitt mei Gott.”

Jesoiya 59:18

Grawt vi si gedu henn, so betzawld eah si zrikk, mitt sei zann geyyich selli es geyyich een sinn, un mitt zrikk betzawles geyyich sei feinda, yau, un aw selli am say nohch.

Jesoiya 61:2

Eah hott mich kshikt fa's yoah breddicha fumm Hah sei gnawt, un da dawk breddicha es unsah Gott zrikk betzawld, un fa selli drayshta es heila,

Jesoiya 63:4

Da dawk fa shtrohfa voah in meim hatz, un's yoah fa frei macha is do.

Jesoiya 66:15

Gukket moll, da Hah zayld kumma mitt feiyah, un sei veyya sinn vi en vind-veahvel; eah bringd runnah sei haysah zann un sei shtrohf mitt feiyah-flamma.

Jesoiya 7:4

Sawk zumm Ahas, ‘Gebb acht, hald dich shtill un feich dich nett. Loss dei hatz nett shvach sei veyyich em grohsa zann fumm Rezin un Syria un em Remalia sei boo. Si sinn so shvach vi zvay shtekka am brenna es yusht shiah aus sinn.

Daniel 10:18

No hott sellah es gegukt hott vi en mensh mich viddah ohgraykt un hott miah grefta gevva.

Daniel 10:19

Eah hott ksawt, “Feich dich nett, oh mann es hohch ohksenna is. Fridda sei mitt diah; sei shteik un sei gedrohsht.” Vo eah dess ksawt katt hott, habb ich mei grefta zrikk grikt un habb ksawt, “Du, oh hah, hosht mich fagrefticht, nau shvetz zu miah.”

Hosea 1:7

Avvah doch, ich zayl bamhatzichkeit veisa zumm haus funn Juda un hald si frei—nett beim bow, shvatt un greek, adda bei geil un geil-reidah, avvah beim Hah iahra Gott.”

Habakuk 2:3

Fa di vision es du ksenna hosht is fa shpaydah naus, dess shvetzt veyyich di end-zeit, un zayld nett letz sei. Even vann's lang gayt, voaht difoah, es zayld fashuah blatz nemma, un zayld nett shpoht sei.

Haggai 2:4

Avvah nau sei gedrohsht, Serubabel,’ sawkt da Hah. ‘Sei gedrohsht, Joshua, em Jehozadak sei boo es hohchen-preeshtah is. Seind gedrohsht awl diah leit fumm land,’ sawkt da Hah, ‘un shaffet. Fa ich binn mitt eich,’ sawkt da Awlmechtich Hah.

Maleachi 3:1

“Gukket moll, ich shikk aynah mitt meim vatt fannich miah heah fa da vayk rishta. No uf aymol kumd da Hah es diah am sucha sind an sei tempel, sellah es kumd un shvetzt veyyich mei bund, un sellah es diah havva vellet. Gukket moll, eah is am kumma,” sawkt da Awlmechtich Hah.

Lukas 21:28

Nau vann dee sacha moll ohfanga blatz nemma, no gukket nuff un hayvet eiyah kebb uf, fa eiyah saylichkeit is am nayksht kumma.”

Epheser 6:10

Endlich, mei breedah, seind shteik im Hah, un in di graft funn sei macht.

1. Thessalonicher 5:14

Nau miah famohna eich, leevi breedah, es diah selli vanna doond vo faul sinn, drayshtet selli vo vennich moot henn, drawwet di shvacha, un seind geduldich mitt alli-ebbah.

2. Timotheus 2:1

So nau, mei sohn, sei shteik in di gnawt vass in Christus Jesus is.

Hebräer 9:28

grawt so voah Christus aymol gopfaht fa di sinda vekk nemma funn feel leit. Un eah zayld's zvett mohl kumma, nett fa ebbes zu du havva mitt sinda, avvah fa selli saylich macha es am voahra sinn uf een.

Di Offenbarung 1:7

Saynet, eah kumd mitt di volka, un alli awk zayld een sayna, un aw selli es een deich kshtocha henn. Un awl di kshlechtah funn di eaht zayla heila veyyich eem. Amen.

Di Offenbarung 2:10

Feich dich nett veyyich di sacha es du leida musht. Gukk moll, da Deivel zayld samm funn eich eishtekka fa eich ausbroviahra, un fa zeyya dawk zayla diah dreebsawl havva. Avvah seind shtandhaftich biss an da doht, un ich gebb eich en krohn funn ayvich layva.

Di Offenbarung 22:20

Deah vo zeiknis gebt zu dee sacha, sawkt, “Yau, ich kumm kshvind.” Amen. Kumm, Jesus unsah Hah.

1. Samuel 23:17

Eah hott ksawt zu eem, “Feich dich nett; mei daett da Saul zayld sei hand nett uf dich layya. Du zaylsht kaynich ivvah Israel sei un ich zayl's zvett sei mitt diah. Even mei daett da Saul vayst dess.”