Jesoiya 34:13 - Pennsylvania Dutch Bible

¹³ Danna kumma uf um iahra kaynich-heisah rumm, dishtla un hekka in di shtett mitt vanda, see vatt en blatz fa di faxa un di owls.

Jesoiya 34:13 ပူးပေါင်းရင်းမြစ်များ

Psalm 44:19

Avvah du hosht uns nunnah kshlauwa un in en blatz funn vildi diahra glost, un hosht uns zu gedekt mitt deefi finshtahnis.

Jesoiya 25:2

Du hosht di shtatt in en shtay haufa gmacht, di shtatt mitt vanda is en haufa; di kaynich-heisah funn fremdi sinn kenn shtatt may; un see vatt nee nimmi ivvah gebaut.

Jesoiya 35:7

Da hays sand vatt en vassah-loch, un's dashtich land kfild mitt shpringa. Da blatz vo vildi hund als gleyya henn, zayld ufvaxa mitt graws un vassah-shtengel.

Jeremia 10:22

Heichet, en yacht is am kumma, en grohsi ufruah fumm land funn di natt! Dess zayld di shtett funn Juda fadauva un leah macha, en leahrah blatz vo vildi hund bleiva.

Jeremia 49:33

“Es land Hazor vatt en blatz fa vildi hund; es vatt en leah land fa'immah. Nimmand zayld datt voona, un kenn mensh bleibt datt.”

Jeremia 51:37

Babylon zayld en shtay haufa vadda, en blatz fa vildi hund. See vatt en blatz funn seishi angsht un shpott, nimmand zayld datt voona.

Jeremia 51:43

Iahra shtett vadda leah, vi en drukka land in di vildahnis, en land es nimmand drinn voond, un es kenn mensh deich gayt.

Jeremia 9:11

“Ich mach Jerusalem in en shtay haufa, un en blatz fa vildi hund. Ich reis di shtett funn Juda nunnah so es nimmand drinn voona kann.”

Glawk-Leedah 4:3

Even di velf gevva iahra brusht, so es iahra yungi sukla kenna. Avvah di dochtah funn mei leit is unbamhatzich vadda, vi en ostrich zu iahra yungi in di vildahnis.

Hosea 9:6

Gukket, si missa gay veil si faveesht vadda, Egypta dutt si zammah geddahra, un Memphis zayld si fagrawva. Iahra keshtlich silvah vatt ivvah-gvaxa mitt veetz, un iahra tents mitt danna.

Zephania 2:9

Fasell, so shuah es ich layb,” sawkt da Awlmechtich Hah, da Gott funn Israel, “zayld Moab vadda vi Sodom un di Ammoniddah vi Gomorra— en blatz funn veetz un sals-pits, en fadauvanah blatz fa'immah. Mei leit es ivvahrich sinn zayla si rawva, un zayla iahra land eahva.”

Maleachi 1:3

avvah da Esau habb ich kast, un habb sei berga zu veesht-land gedrayt un sei eahbshaft ivvah-gevva zu di vilda hund.”

Di Offenbarung 18:2

Eah hott mechtichlich naus gegrisha mitt en shteiki shtimm, un hott ksawt, “See is kfalla, see is kfalla, di grohs Babylon is kfalla. See is di haymet vadda funn deivela, un alli grauslichah geisht bleibt datt, un aw alli unreinah un hassichah fokkel.