Jesoiya 33:18 - Pennsylvania Dutch Bible

¹⁸ Du zaylsht zrikk gukka uf di zeida es diah fagelshtaht voahra, un frohwa, “Vo is sellah es da tax zayld? Vo is sellah es es veeyes dutt? Vo is sellah es di tavvahs gezayld hott?”

Jesoiya 33:18 ပူးပေါင်းရင်းမြစ်များ

1. Mosi 23:16

Da Abraham hott abkeicht vass da Ephron ksawt hott, no hott eah di fiah hunnaht shtikkah silvah raus gezayld fa da Ephron, dess vass gnohmd voah fannich di leit. Sell voah's geld es gyoost voah an selli zeit.

2. Kaynicha 15:19

No is da Kaynich Phul funn Assyria in's land kumma, un da Menahem hott eem acht un dreisich ton silvah gevva so es eah eem helft's kaynich-reich hayva.

2. Kaynicha 18:14

No hott da Kaynich Hiskia funn Juda vatt kshikt zumm kaynich funn Assyria an Lachis un hott ksawt, “Ich habb letz gedu. Zeek zrikk funn miah un ich betzawl dich vass-evvah es du frohksht.” Da kaynich funn Assyria hott ksawt eah muss eem zeyya ton silvah gevva un ay ton gold.

2. Kaynicha 18:31

Heichet da Hiskia nett ab. Dess is vass da kaynich funn Assyria sawkt: Machet fridda mitt miah un kummet raus zu miah. No zayld alli-ebbah essa funn sei ayknah vei-shtokk un feiya-bohm, un vassah drinka aus sei ayknah sistahn,

Psalm 31:22

In meim angsht habb ich ksawt, “Ich binn veit vekk kshtohsa funn dei awwa.” Avvah du hosht mich keaht frohwa fa bamhatzichkeit, vo ich groofa habb zu diah.

Psalm 71:20

Du hosht mich glost feel druvvel un angsht sayna, avvah du machsht mich viddah levendich, un bringsht mich viddah ruff aus em deefa funn di eaht.

Jesoiya 17:14

Ohvets zayld bletzlich angsht sei, un eb meiyets sinn si nimmi. Dess is vass es gebt mitt selli es uns rawva, mitt selli es unsah shtoft nemma.

Jesoiya 54:14

In gerechtichkeit zaylsht du gegrund vadda; du zaylsht veit vekk funn nunnah-dreddes sei, un brauchsht dich nett feicha. Fagelshtaht sei is veit vekk, un kumd nett nayksht zu diah.

1. Korinther 1:20

Vo is da mann es veisheit hott? Vo is da shrift-geleahrah? Vo is da viddahbat-haldah funn di veld? Hott nett Gott di veisheit funn di veld zu dumhayda gmacht?

2. Timotheus 3:11

un vi ich fafolkt binn un leida du. Du vaysht vass es gevva hott zu miah in Antioch, Iconium un Lystra un di unbegreiflichi sacha es ich deich gmacht habb. Avvah da Hah hott mich deich awl dess gebrocht.

1. Samuel 30:6

Un's voah em Dawfit oahrich angsht, veil di mennah am shvetza voahra fa een shtaynicha. Di mennah voahra awl fabiddaht im geisht veyyich iahra boova un mayt. Avvah da Dawfit hott sich shteik gmacht deich da Hah sei Gott.