Jesoiya 32:18 - Pennsylvania Dutch Bible

¹⁸ Mei leit zayla in fridda voona, mitt goodi haymeda, un in bletz funn shtilli roo.

Jesoiya 32:18 ပူးပေါင်းရင်းမြစ်များ

Psalm 107:7

Eah hott si kfiaht im rechta vayk, zu en shtatt es si drinn voona henn kenna.

2. Mosi 9:26

Da aynsisht blatz es kenn shlohsa voahra, voah im land Goshen vo di Kinnah-Israel voahra.

Shpricha 24:15

Lei nett anna am voahra vi en gottlohsah mensh, fa in en gerechtah mann sei haus gay; gay nett nei fa een rawva;

Jesoiya 11:10

Un's zayld zu kumma in sellah dawk, es di Vatzel fumm Jesse raus shtayt es en zaycha zu di leit, un di heida zayla sich zu eem gevva, un sei roo-blatz zayld hallich sei.

Jesoiya 14:3

An di zeit es da Hah diah roo gebt funn dei shmatza, leides un yammahres, un funn deim hadda deensht,

Jesoiya 2:4

Eah zayld richta unnich di heida, un zayld feel leit iahra shtreit unnich nannah recht setza fa si. Si zayla iahra shvadda in blooks-peinda macha un iahra shpiahra in sichla. Kenn folk zayld's shvatt uf nemma geyyich en annah folk, un si zayla nee nimmi lanna fa greek macha.

Jesoiya 26:12

Du shafsht fridda fa uns, Hah, alles es miah ausgricht henn hosht du gedu fa uns.

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

Jesoiya 28:12

Eah hott ksawt zu eena, “Dess is da roo-blatz, losset selli es meet sinn roowa, un do is da blatz fa roowa.” Avvah si henn eem nett abkeicht.

Jesoiya 30:15

Dess is vass Gott da Hah, deah Heilich funn Israel, sawkt: “In boos du un in roo is eiyah saylichkeit, in fadrauwes un eich shtill hayva is eiyah graft, avvah diah hend's nett gedu.

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Jesoiya 65:21

Si zayla heisah bauwa un zayla drinn voona, si zayla vei-goahra blansa, un's frucht essa.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Jeremia 33:16

In selli dawwa vatt Juda frei gmacht, un Jerusalem laybt aus di kfoah. Di shtatt vatt gnohmd: Da Hah Unsah Gerechtichkeit.”

Ezekiel 34:28

Si zayla nimmi lengah grawbt vadda bei di heida, un vildi diahra zayla si nimmi fressa. Si layva aus di kfoah, un nimmand macht si sich feicha.

Sacharia 2:5

Un ich selvaht zayl en vand funn feiyah sei drumm rumm,’ sawkt da Hah, ‘un zayl di hallichkeit sei in di mitt funn iahra.’”

Sacharia 2:8

Fa dess is vass da Awlmechtich Hah sawkt, deah es miah di eah gevva hott un mich kshikt hott geyyich di heida es eich grawbt henn: “Veah eich ohraykt, deah raykt da abbel funn meim awk oh.

Sacharia 3:10

In sellem dawk zayld yaydah funn eich sei nochbah frohwa fa mitt eem unnich da vei-shtokk un da feiya-bohm hokka,’ sawkt da Awlmechtich Hah.”

Hebräer 4:9

So dann, es is noch en roo am voahra fa di leit funn Gott.

1. Johannes 4:16

Un so henn miah di leevi gekend un geglawbt vo Gott hott fa uns. Gott is leevi, un veah in di leevi laybt, laybt in Gott, un Gott laybt in eem.