Jesoiya 30:3 - Pennsylvania Dutch Bible

³ Avvah di graft fumm Pharao zayld eich fashohma, un da shadda funn Egypta eich fashanda.

Jesoiya 30:3 ပူးပေါင်းရင်းမြစ်များ

2. Kaynicha 18:21

Gukk nau, bisht du am dich falossa uf Egypta, sellah fabrocha veetz-shtengel es en mann sei hand deich shtecht vann eah sich druff lost? So is da Kaynich Pharao funn Egypta zu awl selli es sich falossa uf een.

Psalm 108:12

Gebb uns hilf geyyich unsah feinda, fa di hilf fumm mensh is nix veaht.

Shpricha 25:19

Em falossa uf en unshtandhaftichah mann an di zeit funn druvvel, is vi en shlechtah zoh adda en lohmah foos.

Jesoiya 20:5

Selli es iahra fadrauwa in Kush un Egypta gedu henn zayla sich no feicha un shemma.

Jesoiya 20:6

Di leit es am say nohch voona zayla sellah dawk sawwa, ‘Saynet vass es gevva hott mitt selli es miah uns falossa henn druff, selli es miah ditzu ganga sinn fa hilf un uns frei macha fumm kaynich funn Assyria! Vi kenna miah lohs gmacht vadda?’”

Jesoiya 36:6

Du bisht am dich falossa uf Egypta, sellah fabrocha vassah-shtengel es en mann sei hand deich shtecht vann eah sich druff lost. Sell is vi da Pharao da kaynich funn Egypta is zu selli es sich falossa uf een.

Jeremia 2:36

Vi leicht nemsht du dess, un gaysht anri lendah iahra gettah nohch! Du zaylsht yusht so oahrich nunnah glost sei bei Egypta, es du voahsht bei Assyria.

Jeremia 42:18

Dess is vass da Awlmechtich Hah, da Gott funn Israel, sawkt: ‘So vi mei veeshtah zann ausgleaht voah uf selli es in Jerusalem gvoond henn, so zayld mei zann ausgleaht sei uf eich vann diah noch Egypta gaynd. Diah vaddet en fluch, en kshpott, en shand un sind grausam; diah zaylet deah blatz nee nimmi sayna.’

Jeremia 42:22

Avvah nau kennet diah shuah sei veyyich demm: Diah zaylet shtauva beim shvatt, hungahs-noht un peshtelens am blatz es diah anna gay vellet fa voona.”

Jeremia 46:25

Da Awlmechtich Hah, da Gott funn Israel sawkt: “Ich zayl shtrohf uf da Amon, da gott funn No bringa, un aw uf da Pharao un Egypta un iahra gettah un kaynicha, un aw selli es sich falossa uf da Pharao.

Ezekiel 29:7

Vo si hohld gnumma henn an diah mitt iahra hend, bisht du fashpalda un hosht si in da shuldah kshtocha; vo si sich uf dich glost henn, bisht du fabrocha un hosht iahra bukkel vay gedu.

Hosea 10:6

Dess kalb vatt noch Assyria gedrawwa, es en kshenk fa da grohs kaynich. Ephraim vatt fashohmd, un Israel muss sich shemma veyyich iahra holsichah abgott.

Römer 10:11

Fa di Shrift sawkt, “Veah an een glawbt, zayld nett zumm shohm gebrocht sei.”

Römer 5:5

Un hofning lost uns nett nunnah, veil Gott sei leevi ausgleaht is in unsah hatza bei em Heilicha Geisht, deah vo gevva is zu uns.