Jesoiya 30:2 - Pennsylvania Dutch Bible

² Si gayn nunnah an Egypta unni mich frohwa. Si gayn gukka fa hilf fumm Pharao, un vella sich unnich da shadda funn Egypta du.

Jesoiya 30:2 ပူးပေါင်းရင်းမြစ်များ

1. Kaynicha 22:7

Avvah da Josaphat hott kfrohkt, “Is nett en brofayt fumm Hah do es miah frohwa kenna?”

2. Kaynicha 17:4

Avvah da kaynich funn Assyria hott auskfunna es da Hosea zvay-ksichtich voah un hott mennah zumm Kaynich So funn Egypta kshikt katt, un hott nimmi tax betzawld zumm kaynich funn Assyria vi eah als alli yoah gedu katt hott. Fasell hott da Salmanasser een fesht gnumma un een eikshtekt.

2. Kaynicha 18:21

Gukk nau, bisht du am dich falossa uf Egypta, sellah fabrocha veetz-shtengel es en mann sei hand deich shtecht vann eah sich druff lost? So is da Kaynich Pharao funn Egypta zu awl selli es sich falossa uf een.

Jesoiya 16:3

Si sawwa zu Juda, “Gevvet uns roht, machet aus vass zu du. Machet eiyah dunklah shadda ivvah uns sei, so vi nacht in di mitt fumm dawk. Fashteklet di fayawkta, un losset nimmand si finna.

Jesoiya 18:1

Vay zumm land es ma di yacht funn flikkel heaht, es land ivvah di revvahra funn Ethiopia,

Jesoiya 36:6

Du bisht am dich falossa uf Egypta, sellah fabrocha vassah-shtengel es en mann sei hand deich shtecht vann eah sich druff lost. Sell is vi da Pharao da kaynich funn Egypta is zu selli es sich falossa uf een.

Jesoiya 36:9

Vi dann kansht du even ay hauptmann zrikk drayya funn di vennichshta funn mei meishtah sei gnechta? Un doch falosht du dich uf di Egyptah es si diah greeks-veyya un geil shikka.

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Jeremia 2:18

Nau vass batt's dich fa noch Egypta gay fa vassah drinka fumm Nile Revvah? Adda vass batt's dich fa noch Assyria gay un vassah drinka fumm Euphrates Revvah?

Jeremia 21:2

“Frohk da Hah fa uns, veil da Nebukadnezar, da kaynich funn Babylon, am greek macha is mitt uns. Fleicht dutt da Hah vundahboahri sacha fa uns vi eah eahshtah gedu hott, un unsah feind gayt zrikk haym.”

Jeremia 37:5

Em Pharao sei army voah am ruff kumma aus Egypta diveil es di Chaldayah am Jerusalem fechta voahra. Vo di Chaldayah keaht henn funn demm henn si Jerusalem falossa.

Jeremia 42:14

un vann diah sawwet, ‘Nay, miah zayla gay un in Egypta voona vo miah kenn greek sayna, vo's blohs-hann nett geblohsa vatt un vo miah nett hungahrich vadda fa broht,’

Jeremia 42:2

un henn ksawt zumm brofayt Jeremia, “Miah bidda dich es du zumm Hah dei Gott baytsht fa awl dee es ivvahrich sinn. Du kansht sayna, miah voahra als feel, avvah nau sinn nett feel ivvahrich.

Jeremia 42:20

Diah hend eiyah layva in di kfoah gedu vo diah mich zumm Hah, eiyah Gott, kshikt hend un ksawt hend, ‘Bayt zumm Hah unsah Gott fa uns; sawk uns alles es eah sawkt, no doon miah's.’

Jeremia 43:7

So sinn si in Egypta ganga geyyich em Hah sei gebott, un sinn so veit es di shtatt Thachpanhes ganga.

Glawk-Leedah 4:20

Em Hah sei ksalbdah, deah ohften funn unsah layva, voah kfanga in iahra falla. Veyyich eem henn miah als ksawt, “Unnich seim shadda zayla miah layva mitt di heida um uns rumm.”

Hosea 7:13

Vay zu eena, veil si vekk gloffa sinn funn miah! Si kumma folshtendich um veil si sich geyyich mich kshteld henn! Ich dayt gleicha si zrikk kawfa, avvah si sawwa leeya geyyich mich.

Hosea 8:10

Even vann si sich fakawft henn unnich di heida, doch zayl ich si nau zammah samla. No zayla si ohfanga zu nix gay, unnich di lasht es da mechtich kaynich uf si dutt.

Hosea 8:9

Si sinn nuff an Assur ganga vi en vildah aysel am laynich rumm lawfa. Ephraim hott sich fakawft fa di leevi es kumd funn huahrahrei.

4. Mosi 27:21

Eah soll fannich em preeshtah Eleasar shtay, deah es Gott sei roht frohkt fa een fumm Urim fannich em Hah. An seim gebott sella si raus gay, un an seim gebott sella si nei gay, eah un awl di Kinnah-Israel mitt eem.”

5. Mosi 28:68

Da Hah zayld eich zrikk bringa zu Egypta in shiffah, even vann eah ksawt katt hott es diah nee nimmi datt zrikk gay brauchet. Datt zaylet diah broviahra eich fakawfa fa bund-gnechta un bund-mawda, avvah nimmand zayld eich kawfa.

Joshua 9:14

Di mennah funn Israel henn no samm funn iahra ess-sach gnumma, avvah si henn nett seahsht kshvetzt zumm Hah diveyya.

Richtah 9:15

Da danna-shtokk hott ksawt zu di baym, ‘Vann diah geviss mich salba vellet fa eiyah kaynich sei, dann kummet un fadrauwet eich in meim shadda. Avvah vann nett, dann loss feiyah aus em danna-shtokk kumma un di cedar-baym funn Lebanon ufbrenna.’