Jesoiya 28:29 - Pennsylvania Dutch Bible

²⁹ Awl dee veisheit kumd fumm Awlmechticha Hah, sei roht is vundahboah mitt grohsi veisheit.

Jesoiya 28:29 ပူးပေါင်းရင်းမြစ်များ

Hiob 37:23

Da Awlmechtich kenna miah nett finna, eah is zu mechtich mitt graft. Sei gerechtichkeit un gericht dutt eah nett beeya.

Hiob 5:9

Eah dutt grohsi un unbegreiflichi sacha, vundahra es nett gezayld sei kenna.

Psalm 118:23

Da Hah hott dess gedu, un's is en vundah fannich unsah awwa.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Psalm 92:5

Vi grohs sinn dei verka, oh Hah, un vi deef dei gedanka!

Psalm 92:6

En unksheidah mensh vayst dess nett, un en dummah mensh fashtayt's nett,

Shpricha 8:14

Ich habb goodah roht un veisheit; ich habb eisicht un graft.

Jesoiya 28:28

Frucht muss gmawla sei fa broht macha, avvah ma hald nett on's dresha fa'immah, veil di reddah fumm vauwa's famawla dayda. Du mawlsht nett frucht mitt di geil un veyya!

Jesoiya 31:2

Avvah eah aw hott veisheit, un shikt shreklichi sacha uf leit; eah gayt nett zrikk uf sei vadda. Eah shtayt uf geyyich selli es evil doon, un geyyich selli es evil-shaffah helfa.

Jesoiya 41:20

Dess is so es leit sayna un vissa kenna, un es si's ivvah-denka kenna un fashtay kenna, es di hand fumm Hah dess gedu hott, es da Heilich Gott funn Israel dess kshaffa hott.

Jesoiya 9:6

Zu uns is en kind geboahra vadda, zu uns voah en sohn gevva; di macht fa uns roola zayld uf sei shuldahra roowa. Dess zayld sei nohma sei: Vundahboahrah Roht-Gevvah, Mechtichah Gott, Ayvichah Faddah, Evvahshtah Fridda-Machah.

Jeremia 32:19

Du gebsht roht mitt veisheit un dusht mechtichi sacha. Du saynsht alles es mensha doon, un du bezawlsht si fa vass si fadeena in iahra vayya un fa vass si doon.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.