Jesoiya 27:8 - Pennsylvania Dutch Bible

⁸ Du hosht Israel kshtrohft bei see vekk funn haym shikka, du hosht see vekk gnumma mitt en heslichah vind, vi uf en dawk vann da hays east vind blohst.

Jesoiya 27:8 ပူးပေါင်းရင်းမြစ်များ

Hiob 23:6

Dayt eah awl sei macht yoosa geyyich mich? Nay, eah dayt mich abheicha.

Psalm 103:14

Fa eah vayst vi miah gmacht sinn, un denkt droh es miah yusht shtawb sinn.

Psalm 103:9

Eah hald nett oh pshuldicha, un sei zann bleibt nett fa'immah.

Psalm 38:1

Oh Hah, zank mich nett in deim zann, un shtrohf mich nett diveil es du bays bisht.

Psalm 6:1

Oh Hah, zank mich nett in deim zann; shtrohf mich nett vann du bays bisht.

Psalm 76:10

Da zann funn mensha gebt diah yusht may eah, un mitt em zann vo ivvahrich is glaytsht du dich.

Psalm 78:38

Avvah eah voah bamhatzich zu eena, un hott iahra sinda fagevva. Eah hott si nett umgebrocht. Eah hott sei zann oft zrikk kohva, un hott sei baysi gedanka nett auskfiaht.

Jesoiya 1:5

Favass haldet diah oh geyyich da Hah shaffa? Vellet diah noch veidah kshtrohft sei? Eiyah gansah kobb is grank, eiyah gans hatz is matt.

Jesoiya 10:12

Vann avvah da Hah awl sei eahvet faddich gmacht hott geyyich da Berg Zion un Jerusalem, dann sawkt eah, “Ich zayl da kaynich funn Assyria shtrohfa fa sei hohchmeedich hatz un shtolsi awwa.

Jesoiya 50:1

Dess is vass da Hah sawkt: “Vo sinn eiyah maemm iahra divorce babiahra, selli es ich gyoost habb fa see fatt shikka? Adda zu vemm habb ich eich fakawft es ich in di shuld voah? Gukket moll, es voah deich eiyah sinda es diah fakawft voahret; un eiyah maemm voah fatt kshikt deich eiyah ivvah-dreddes.

Jesoiya 54:7

“Fa en glenni zeit habb ich dich falossa, avvah mitt grohsi leevi bring ich dich zrikk.

Jesoiya 57:16

Ich zayl nett immah pshuldicha, un aw nett immah zannich sei, veil iahra geisht matt vadda dayt fannich miah, un aw da ohften im mann es ich gmacht habb.

Jesoiya 64:5

Du kumsht zu selli es fraylich sinn am gerechtichkeit du, un es an dei vayya denka. Avvah du voahsht bays vo miah ohkalda henn sindicha, so vi sella miah saylich vadda?

Jeremia 10:24

Shtrohf mich, Hah, avvah yusht vass recht is, nett in deim zann, adda sell veah's end funn miah.

Jeremia 30:11

Ich binn mitt diah un mach dich frei,’ sawkt da Hah. ‘Ich mach en end funn awl selli lendah vo ich eich ausnannah kshtroit habb drinn, avvah ich mach kenn folshtendich end funn eich. Ich shtrohf eich mitt vass recht is, avvah ich loss eich nett unkshtrohft gay.’

Jeremia 4:11

An selli zeit zayld's ksawt vadda zu di leit un zu Jerusalem, “En haysah vind funn di bludda hivla in di vildahnis zayld blohsa geyyich mei leit, avvah nett fa shprau vekk blohsa un butza,

Jeremia 4:27

Dess is vass da Hah sawkt: “Es gans land zayld fadauva sei, avvah ich zayl's nett folshtendich fadauva.

Jeremia 46:28

Feich dich nett, mei gnecht Jakob; ich binn bei diah,” sawkt da Hah. “Even vann ich en end mach funn awl di lendah es ich eich ausnannah kshtroit habb drinn, doch mach ich kenn end funn diah. Ich zayl dich shtrohfa avvah yusht vass recht is; ich kann dich nett unkshtrohft gay lossa.”

Glawk-Leedah 3:31

Da Hah is gnaydich un drayt leit nett ayvichlich nunnah.

Glawk-Leedah 3:32

Even vann eah dreebsawl bringd, doch veist eah bamhatzichkeit, so grohs is sei shtandhaftichi-leevi.

Ezekiel 19:12

Avvah eah voah raus grissa in zann un voah uf da bodda kshmissa. Da east vind hott sei frucht fadatt, un sei ranka abgebrocha. Si sinn ufgedrikkeld, un fabrend vadda im feiyah.

Hosea 13:15

Even vann da Ephraim fruchtboah is unnich sei breedah, en east vind fumm Hah zayld kumma, am rei blohsa funn di vildahnis; sei shpring shtobt lawfa, un sei brunna drikkeld uf. Sei shtoah-haus vatt grawbt, un alli keshtlich ding vatt gnumma.

Hosea 4:1

Heichet zumm Hah sei vatt, diah Kinnah-Israel, fa da Hah hott en shuld zu bringa geyyich eich es im land voona: “Es is kenn shtandhaftichkeit, leevi adda bekendnis funn Gott im land.

1. Korinther 10:13

Es is kenn fasuchung ivvah eich kumma es noch nett kumma is zumm mensh. Avvah Gott is shtandhaftich, un lost nimmand so hatt fasucht vadda es eah nett ufshtay kann digeyya. Avvah an di zeit funn di fasuchung gebt eah eich en vayk fa raus, so es diah ufshtay kennet digeyya.

1. Petrus 1:6

In demm doond diah eich oahrich froiya, even vann diah fa en katzi zeit dreebsawl hend bei fasucht vadda in alli vayya.