Jesoiya 27:4 - Pennsylvania Dutch Bible

⁴ Ich binn nimmi bays, avvah vann ich danna un hekka finna dayt in mei vei-goahra, no dayt ich geyyich si gay un's dayt greek gevva, un ich dayt si alles fabrenna.

Jesoiya 27:4 ပူးပေါင်းရင်းမြစ်များ

2. Samuel 23:6

Avvah evili mennah vadda nayva anna kshmissa vi danna, veil si nett in di hand gnumma sei kenna.

2. Samuel 23:7

Un da mann es danna ohraykt, muss en eisichi root un en shpiah haendel in di hand havva; si vadda gans ufgebrend im feiyah vo si leiya.”

Psalm 103:9

Eah hald nett oh pshuldicha, un sei zann bleibt nett fa'immah.

Psalm 85:3

Du hosht ufkeaht bays sei mitt eena, un bisht vekk gedrayt funn dei gleedichah zann.

Jesoiya 10:17

Es Licht funn Israel zayld en feiyah vadda, un iahra Heilichah vatt en flamm; un's zayld di danna un hekka funn Assyria ufbrenna in ay dawk.

Jesoiya 12:1

Uf sellah dawk zaylsht du sawwa: “Ich gebb dank zu diah, oh Hah. Fa du voahsht zannich mitt miah, avvah dei zann is nau vekk gedrayt, un du dusht mich drayshta.

Jesoiya 33:12

Di leit zayla ufbrenna vi kallich, vi abkakti danna vadda si fabrend im feiyah.”

Jesoiya 9:18

Evil is vi feiyah, es fabrend di danna un's veetz, un's brend en gansah bush nunnah. Da shmohk gayt nuff vi en volk.

Jeremia 29:11

Fa ich vays di gedanka es ich im sinn habb fa eich,” sawkt da Hah, “gedanka fa eich goot du un nett fa eich shawda du; gedanka fa eich hofning gevva fa shpaydah naus.

Ezekiel 16:63

Sell is so es du droh denksht un dich shemsht, un deich dei shohm, dei maul nimmi uf machsht veil ich diah fagevva habb fa alles es du gedu hosht.” So sawkt da Awlmechtich Hah.

Maleachi 4:3

No zaylet diah di ungettlicha nunnah dredda; si zayla sei vi esh unnich di sohla funn eiyah fees uf em dawk es ich dee sacha du zayl,” sawkt da Awlmechtich Hah.

Matthäus 3:12

Eah hott sei dresha-shaufel in di hand, un eah zayld da dresha-floah goot butza. Eah zayld da vaytza in da kashta du, avvah's shprau zayld eah fabrenna mitt feiyah es nett ausgmacht sei kann.”

Hebräer 6:8

Avvah vann see danna un dishtla vaxt is see nix veaht un is im kfoah funn fadamd vadda. No am end vatt see ufgebrend.

2. Petrus 2:9

vann awl dess so is, dann vayst da Hah vi fa di gettlicha aus di fasuchung nemma, un aw vi fa di ungerechta hayva fa da gerichts-dawk un iahra shtrohf.