Jesoiya 26:13 - Pennsylvania Dutch Bible

¹³ Oh Hah unsah Gott, anri meishtah unni dich henn ivvah uns groold, avvah dei nohma laynich doon miah eahra.

Jesoiya 26:13 ပူးပေါင်းရင်းမြစ်များ

2. Chronik 12:8

Avvah ich zayl si unnich da Sisak du, so es si lanna kenna vi's is fa gnechta sei zu kaynicha in anri lendah in blatz funn mei gnechta sei.”

Jesoiya 10:11

So, soll ich nett du zu Jerusalem un iahra abgettah vi ich gedu habb zu Samaria un iahra abgettah?’”

Jesoiya 12:4

In sellah dawk zaylet diah sawwa, “Gevvet dank zumm Hah; roofet sei nohma oh; losset's vissa gmacht unnich di heida vass eah gedu hott, un sawwet eena vi grohs es eah is.

Jesoiya 2:8

Iahra land is kfild mitt abgott-gleichnisa; si gneeya nunnah zu sach es iahra hend gmacht henn, sell es iahra fingah kshaft henn.

Jesoiya 26:8

Miah voahra uf dich, oh Hah, diveil es miah in dei gericht lawfa. Miah vella an dich un an dei nohma denka, sell is unsah falanga im hatz.

Jesoiya 51:22

Dess is vass dei Awlmechtichah Hah sawkt, dei Gott es ufshtayt fa sei leit: “Gukk moll, ich habb's kobli aus dei hand gnumma, es kobli es dich ksoffa macht. Du solsht nimmi aus sellem kobli funn zann drinka.

Jesoiya 63:7

Ich zayl shvetza veyyich em Hah sei shtandhaftichi-leevi, veyyich di sacha es eah glohbt sei soll difoah, un veyyich alles es da Hah gedu hott fa uns— eah hott feel goodi sacha gedu fa's haus funn Israel, veil eah gnawt un bamhatzichkeit katt hott fa si.

Jesoiya 64:5

Du kumsht zu selli es fraylich sinn am gerechtichkeit du, un es an dei vayya denka. Avvah du voahsht bays vo miah ohkalda henn sindicha, so vi sella miah saylich vadda?

Amos 6:10

Vann ayns funn di dohda iahra freindshaft kumd fa si aus em haus drawwa un fabrenna, un eah frohkt ebbah es fashtekkeld is datt, “Is ennich ebbah bei diah?” Un eah sawkt, “Nay,” no sawkt eah, “Sei shtill! Miah daufa nett even em Hah sei nohma sawwa.”

Micha 4:5

Leit in anri lendah zayla iahra gettah nohch gay, avvah miah zayla lawfa im nohma fumm Hah unsah Gott fa'immah.

Johannes 8:32

Un diah zaylet di voahheit vissa, un di voahheit macht eich frei.”

Römer 6:22

Avvah siddah es diah nau frei gmacht sind funn sinda, un sind gnechta vadda zu Gott, dann is eiyah frucht en heilich layva, un's end funn sellem is ayvich layva.

1. Korinther 4:7

Fa veah gebt diah's recht fa dich haychah uf hayva es ennich ebbah shunsht? Un vass hosht du es nett gevva voah zu diah? Vann du's dann gevva grikt hosht, favass braeksht du es vann's nett en kshenk veah?

Hebräer 13:15

Losset uns, dann, di gans zeit en lohb-opfah opfahra zu Gott deich een; sell is, di frucht funn leftz es sei nohma bekenna.

Joshua 23:7

so es diah nix zu du hend mitt di leit in dee lendah es noch do unnich eich sinn. Baydet nett zu iahra gettah un shveahret nett bei si. Doond iahra gettah nett deena un eich nunnah bikka zu eena.