Jesoiya 25:7 - Pennsylvania Dutch Bible

⁷ Uf demm berg nemd eah's duch ab es alli leit zu dekt, es duch es alli lendah zu gedekt hald.

Jesoiya 25:7 ပူးပေါင်းရင်းမြစ်များ

Sacharia 8:22

Feel heida funn shteiki lendah zayla an Jerusalem kumma fa da Awlmechtich Hah sucha un een ohbayda.”

Matthäus 27:51

Un grawt no, is es curtain im tempel in zvay grissa funn gans ovva biss gans unna, un di eaht hott kshiddeld, un di shtay sinn fashpalda.

Lukas 2:32

fa en licht so es di Heida fashtay kenna, un fa hallichkeit zu di Kinnah-Israel.”

Di Apostelgeschichte 17:30

Es voah en zeit vo Gott di leit iahra unvissaheit nett gacht hott, avvah nau hott eah en gebott gevva es awl mensha ivvahrawlich boos du sella, un vekk drayya funn iahra sinda.

Epheser 4:18

Iahra fashtand is dunkel gmacht, un si sinn veit vekk fumm layva es funn Gott kumd, veil's nett in eena is fa's begreifa, un veil iahra hatza blind sinn.

Epheser 5:8

Fa diah voahret an ay zeit dunkelheit, avvah nau sind diah licht im Hah; lawfet vi kinnah fumm licht.

Hebräer 9:24

Fa Christus is nett nei ganga in da Heilich-Blatz vo gmacht voah mitt hend, dess vo yusht en ab-bild is fumm voahhafticha. Avvah's voah in da Himmel selvaht es eah ganga is, un eah veist sich nau fannich Gott fa uns.

Hebräer 9:8

Deich dess voah da Heilich Geisht am veisa es da vayk nei in da Heilichsht Blatz noch nett gvissa gvest voah, so lang es da eahsht tempel noch am shtay voah.