Jesoiya 24:8 - Pennsylvania Dutch Bible

⁸ Di fraylich yacht funn di tambourines is shtill, di yacht funn di lushticha hott kshtobt, un di fraylich yacht funn di harf shtobt.

Jesoiya 24:8 ပူးပေါင်းရင်းမြစ်များ

Hiob 3:7

Loss selli nacht unfruchtboah sei; un kenn fraylichi yacht keaht sei drinn.

Hiob 30:31

Mei harf shpeeld yusht fa di bedreebda, un mei flute fa selli es veina.”

Psalm 137:2

Datt uf di veida-baym, henn miah unsah harfa anna kanka.

Jesoiya 16:10

Di frayt funn di eahn is vekk gnumma funn di fruchtboahra feldah; nimmand singd mitt frayt in di vei-goahra, un nimmand drett da vei raus in di vei-pressa. Ich habb's singes kshtobt.

Jesoiya 5:12

Si shpeela grohsi un glenni harfa, mitt tambourines un peifa, diveil es si vei drinka an iahra grohsi ess-feshta; avvah si bekimmahra sich nix um vass da Hah gedu hott, un fa'achta di eahvet funn sei hend.

Jesoiya 5:14

Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.

Jeremia 16:9

Fa dess is vass da Awlmechtich Hah, da Gott funn Israel, sawkt: ‘In demm land fannich eiyah awwa un in eiyah layves-zeit, zayl ich en end macha funn di yacht vo leit am en goodi zeit havva sinn un am sich froiya sinn, un di shtimm funn di hochtzich-fraw un da hochtzich-mann.’

Jeremia 25:10

Ich nemm di fraylicha yachta vekk funn eena, un di shtimma fumm hochtzeidah un em hochtzich-maydel, di yacht funn meel-shtay un di helling funn lichtah.

Jeremia 7:34

In di shtett funn Juda un in di shtrohsa funn Jerusalem zayl ich en end bringa zu di shayna yachta funn frayt un kshpass, un aw di fraylicha shtimma fumm hochtzich-mann un di hochtzich-fraw. Es land zayld alles fadauva vadda.’”

Glawk-Leedah 5:14

Di alda mennah hokka nimmi am shtatt-doah, un di yungi leit henn ufkeaht iahra harfa shpeela.

Ezekiel 26:13

Ich mach di yacht funn dei fraylichi leedah shtill, un da sound fumm harf vatt nee nimmi keaht.

Ezekiel 28:13

Du voahsht in Eden, im goahra funn Gott; alli sadda deiyahri shtay hosht du gvoahra: ruby, topaz un diamond, beryl, onyx un jasper, sapphire, turquoise un beryl. Dee shtay voahra in gold ksetzt fa dich, si voahra gmacht uf da dawk es du kshaffa voahsht.

Hosea 2:11

Ich mach en end zu awl iahra fraylichkeit, iahra fesht-dawwa, iahra neiyi moons, Sabbat-Dawwa un feiyah-dawwa.

Amos 6:7

Fasell zaylet diah di eahshta sei es kfanga vaddet un vekk kfiaht, un eiyah grohsi essa un rumm lumbes kumd zu en end.

Di Offenbarung 18:22

Di yacht funn di harf-shpeelah, di singah, di peifah un di blohs-hann blohsah zayla nimmi keaht sei in diah. Kenn shaff-leit funn ennichi eahvet vadda may kfunna in diah. Un di yacht fumm meel-shtay vatt nee nimmi keaht in diah.