Jesoiya 23:4 - Pennsylvania Dutch Bible

⁴ Shemm dich du Sidon, un du feshtah-blatz am say, fa da say shvetzt un sawkt, “Ich habb nee kenn muddahs-shmatza katt un aw kenn kind katt, un ich habb kenn boova adda mayt ufgezowwa.”

Jesoiya 23:4 ပူးပေါင်းရင်းမြစ်များ

1. Mosi 10:15

Un da Kanaan voah da faddah fumm Sidon, sei eahsht-geboahranah, un fumm Heth.

1. Mosi 10:19

Un di lendah funn di Kanaaniddah voahra funn Sidon, vi du funn Gerar zu Gaza kumsht, un gaysht no geyyich Sodom un Gomorra un Adama un Zeboim biss an Lasa.

Jeremia 25:22

awl di kaynicha funn Tyrus un Sidon; di kaynicha am say nohch un ivvah em say;

Jeremia 27:3

No shikk vatt zu di kaynicha funn Edom, Moab, Ammon, Tyrus, un Sidon deich iahra mennah es si an Jerusalem zumm Kaynich Zedekia funn Juda kshikt henn.

Ezekiel 28:21

“Mensha-kind, dray dei ksicht geyyich Sidon un broffetzei digeyya

Ezekiel 28:22

un sawk: ‘Dess is vass da Awlmechtich Hah sawkt: Ich binn geyyich dich, oh Sidon; ich zayl mei hallichkeit veisa in di mitt funn diah. Si zayla vissa es ich da Hah binn vann ich dich shtrohf un veis es ich heilich binn in di shtatt.

Joshua 11:8

Da Hah hott si ivvah-gedrayt zu di hend funn Israel, un si sinn si folshtendich ivvah-kumma. Si sinn eena nohch ganga biss an Grohs-Sidon, biss an Misrephoth-Maim un biss an's deich funn Mizpa uf di east seit. Si henn si nunnah kshlauwa biss goah nimmand may ivvahrich voah.

Di Offenbarung 18:23

Di helling funn en licht soll nee nimmi sheina in diah, un di shtimm fumm hochtzich-mann un en hochtzich-maydel vatt nimmi keaht in diah; fa dei kawf-leit voahra di grohsa leit funn di eaht. Di leit in alli lendah voahra fafiaht deich dei hexahrei.

Richtah 10:6

No henn di Israeliddah viddah evil gedu fannich em Hah sei awwa. Si henn di Baals un di Astharoths abgettah gedeend. Si henn aw di gettah funn Syria, Sidon, Moab un Ammon gedeend. Si henn aw di Philishtah iahra gettah gedeend. Si henn da Hah falossa un henn ufkeaht een deena.