Jesoiya 23:12 - Pennsylvania Dutch Bible

¹² Eah hott ksawt, “Du solsht nimmi fraylich sei, du leddich maydel un dochtah funn Sidon, du es nunnah gedredda bisht. Shtay uf un gay nivvah in Cyprus, even datt findsht du kenn roo.”

Jesoiya 23:12 ပူးပေါင်းရင်းမြစ်များ

1. Mosi 10:4

Un dess sinn di kinnah fumm Javan: Elisa, Tharsis, Kittim un Dodanim.

1. Mosi 49:13

Da Sebulon zayld am say nohch voona un di shiffah sinn sayf datt. Sei land gayt nuff biss an Sidon.

Jesoiya 23:7

Is dess di fraylich shtatt funn Tyrus, di ald shtatt funn vay zrikk, selli es iahra fees see veit vekk gnumma hott, veit vekk in anri lendah fa datt voona?

Jesoiya 37:22

Dess is es vatt es da Hah ksawt hott geyyich een: “Es leddich maydel, di Dochtah funn Zion, fa'acht un fashpott dich. Di Dochtah funn Jerusalem shiddeld iahra kobb hinnich diah.

Jesoiya 47:1

“Kumm runnah un hokk dich in da shtawb, du leddich maydel Babylon. Hokk dich uf da grund unni en kaynich-shtool, du dochtah funn di Chaldayah. Du zaylsht nimmi shay un vayyich kaysa sei.

Jesoiya 47:5

“Hokk dich anna un sei shtill, gay in's dunkla, du dochtah funn di Chaldayah. Du zaylsht nimmi di kaynich-fraw funn kaynich-reicha kaysa sei.

Jeremia 14:17

Du solsht dess vatt sawwa zu eena: ‘Loss mei awwa-vassah ivvah-lawfa, loss es lawfa dawk un nacht unni ufheahra; fa mei leit, es sinn vi en unkeiyaht maydel zu miah, sinn veesht vay gedu, un sinn veesht kshlauwa vadda.

Jeremia 2:10

Gaynd moll west uf's island funn Cyprus, un shikket ebbah east zumm land funn Kedar, losset si sacha pinklich aussucha, un saynet eb so ebbes selayva blatz gnumma hott.

Jeremia 46:11

Gay nuff in Gilead un grikk balsam-shmiah, du leddich maydel Egypta! Du broviahsht feel hayles fa nix, es is kenn hayles fa dich.

Glawk-Leedah 1:15

Da Hah hott awl mei shteikshti greeks-gnechta nunnah gedredda es ich katt habb. Eah hott greeks-leit bei groofa geyyich mich, fa mei yungi mennah nunnah shlauwa. Vi imma vei-press hott da Hah em land Juda sei leddich maydel nunnah gedredda.

Glawk-Leedah 1:3

Juda is kfanga un in deefi dreebsawl, see muss di ausahra shveah deena. See voond unnich di heida, un find kenn roo. Iahra fafolyah henn see kfanga, es is kenn vayk fa vekk.

Glawk-Leedah 4:15

“Gaynd vekk! Diah sind unrein!” sawwa leit zu eena, “Vekk, gaynd vekk! Rayyet uns nett oh!” So sinn si difunn kshprunga un lawfa rumm heah, un di leit unnich di heida sawwa, “Si kenna nimmi lengah do bei uns bleiva.”

Ezekiel 27:6

Si henn aycha-hols grikt funn Basan fa dei paeddels macha; si henn dei benk un deck gmacht funn box-hols aus Cyprus, un henn's hols eiksetzt mitt ivory.

Daniel 11:30

Shiffah funn di west zayla geyyich een kumma un eah zayld sich feicha. No zayld eah zrikk drayya un zayld sei zann ausnemma uf em heilicha bund. Selli es es heilich bund falossa zayld eah goot yoosa.

4. Mosi 24:24

Shiffah kumma fumm land Kittim un si nemma Assur un Eber ivvah, avvah eah zayld aw umgebrocht vadda.”

Joshua 11:8

Da Hah hott si ivvah-gedrayt zu di hend funn Israel, un si sinn si folshtendich ivvah-kumma. Si sinn eena nohch ganga biss an Grohs-Sidon, biss an Misrephoth-Maim un biss an's deich funn Mizpa uf di east seit. Si henn si nunnah kshlauwa biss goah nimmand may ivvahrich voah.

Di Offenbarung 18:22

Di yacht funn di harf-shpeelah, di singah, di peifah un di blohs-hann blohsah zayla nimmi keaht sei in diah. Kenn shaff-leit funn ennichi eahvet vadda may kfunna in diah. Un di yacht fumm meel-shtay vatt nee nimmi keaht in diah.