Jesoiya 22:16 - Pennsylvania Dutch Bible

¹⁶ Sawk zu eem, ‘Vass bisht du am du do, veah hott diah's recht gevva fa en grawb raus hakka fa dich selvaht, fa en grawb raus hakka hohch drovva, un en roo-blatz macha fa dich selvaht im felsa?

Jesoiya 22:16 ပူးပေါင်းရင်းမြစ်များ

1. Mosi 50:5

‘Mei daett hott mich gmacht shveahra un hott ksawt, “Mei zeit fa shtauva is do, fagrawb mich im grawb es ich gegrawva habb fa mich im land funn Kanaan.” Nau loss mich nuff gay un mei daett fagrawva, no kumm ich viddah zrikk.’”

2. Samuel 18:18

Vo da Absalom noch glaybt hott, hott eah en shtaynichah poshta ufksetzt katt fa en eidenkes fa sich selvaht uf em kaynich-grund in di valley. Eah hott ksawt, “Ich habb kenn boo fa's ohdenkes funn meim nohma on nemma.” So hott eah demm ohdenkes-poshta sei ayknah nohma gevva, un's is alsnoch em Absalom sei Ohdenkes-Shtay kaysa.

2. Chronik 16:14

Si henn een no fagrawva im grawb es eah macha glost hott fa sich selvaht in di Shtatt fumm Dawfit. Si henn een in en bett glaykt es kfild voah mitt goot-shmakkich shtoft un alli sadda shpeis, un henn no en grohs feiyah gmacht fa een eahra.

Hiob 3:14

Ich veah am shlohfa mitt kaynicha un roht-gevvah, es sich heisah viddah ufgebaut henn es nunnah kfalla voahra.

Jesoiya 14:18

Awl di kaynicha funn di heida leiya in grohsi eah, yaydahs in sei ayya grawb.

Jesoiya 14:19

Avvah du bisht aus deim grawb kshmissa vadda, vi en nasht es nimmand vill. Du bisht geglayt mitt selli es doht gmacht voahra, selli es deich kshtohsa voahra mitt em shvatt, un in en shtaynichi pitt kshmissa voahra, vi ebbah dohdes es fadredda vatt.

Jesoiya 22:17

Gebb acht, da Hah zayld yusht glei hohld nemma funn diah, un dich veeshtahlich vekk shmeisa, du mechtichah mensh.

Jesoiya 52:5

Nau vass havvich do?” sawkt da Hah. “Mei leit voahra vekk gnumma fa nix, un selli es ivvah si sinn fashpodda si, un mei nohma is faleshtaht da gans dawk lang,” sawkt da Hah.

Micha 2:10

Shtaynd uf un gaynd fatt, 'sis kenn blatz funn roo do fa eich. Deich eiyah unreinichkeit is deah blatz gmeikt, gmeikt fa zu nix gebrocht sei.

Matthäus 27:60

un hott's in sei ayya nei grawb glaykt es aus en felsa kakt voah. Un eah hott en grohsah shtay fanna droh grold fa di deah zumm grawb zu macha, no is eah vekk ganga.