Jesoiya 2:21 - Pennsylvania Dutch Bible

²¹ Si zayla in di felsa-lechah shpringa, un in di rissa an di shtay vanda nohch aus angsht fumm Hah, un di furcht funn sei macht un hallichkeit, vann eah moll uf shtayt un di eaht shiddeld.

Jesoiya 2:21 ပူးပေါင်းရင်းမြစ်များ

2. Samuel 22:46

Si faliahra moot, un kumma am ziddahra aus iahra greeks-heisah.

Hiob 30:6

Si henn missa voona in di gracha an di grikka nohch, in di lechah im grund un in di felsa.

Hiob 9:6

Eah shiddeld di eaht aus iahra blatz un macht iahra poshta ziddahra.

2. Mosi 33:22

Vann mei hallichkeit fannich diah fabei gayt dann doon ich dich in en riss im felsa un dekk dich zu mitt mei hand biss ich fabei ganga binn.

Hohches Leet 2:14

Mei daub datt zvishich di felsa, datt vo du dich fashtekkelsht am hivvel nohch, veis miah dei ksicht, loss mich dei shtimm heahra; fa dei shtimm is so sees, un dei ksicht so shay.

Jesoiya 2:10

Gaynd in di felsa-lechah, fashteklet eich im grund aus angsht fumm Hah, un funn sei macht un hallichkeit.

Jesoiya 2:19

Mensha zayla in di felsa-lechah gay, un zayla sich fashtekla in lechah im grund aus angsht fumm Hah, un di furcht funn sei macht un hallichkeit, vann eah moll uf shtayt un di eaht shiddeld.

Jesoiya 24:18

Selli es shpringa funn di shreklich yacht funn furcht, zayla in's pitt-loch falla, un selli es aus em loch gradla, zayla kfanga sei mitt em fang-shtrikk. Di fenshtahra fumm himmel vadda uf gmacht, un da fuddah funn di eaht zayld shidla.

Jesoiya 33:10

“Nau shtayn ich uf,” sawkt da Hah, “nau zayl ich ufkohva sei; nau veis ich vi grohs es ich binn.

Jesoiya 7:19

Si zayla awl kumma un shvoahma in di deefi deicha, in di felsa-lechah, uf awl di danna-putsha un an awl di vassah-lechah.

Jeremia 16:16

Nau gukket moll,” sawkt da Hah, “ich zayl shikka fa feel fishah-mennah es si fanga zayla. Noch sellem shikk fa feel hundah, un si zayla si raus sucha uf alli berg un hivvel un si aus di rissa in di felsa yawwa.

Hosea 10:8

Di hohcha-bletz funn Aven vadda nunnah grissa, dess is vo Israel sich fasindicht hott. Danna un dishtla vaxa uf un dekka di awldahra zu. No sawwa si zu di berga, “Dekket uns zu!” un zu di hivla, “Fallet uf uns!”