Jesoiya 17:3 - Pennsylvania Dutch Bible

³ Di shtett mitt vanda zayla nimmi sei in Ephraim, un Damascus faliaht iahra kaynich-reich. Vass ivvahrich is funn Aram zayld sei vi vass ivvahrich is funn di hallichkeit funn Israel.” Dess sawkt da Awlmechtich Hah.

Jesoiya 17:3 ပူးပေါင်းရင်းမြစ်များ

2. Kaynicha 16:9

Da kaynich funn Assyria hott een abkeicht, is nuff, hott kfochta mitt Damascus un hott's ivvah-gnumma. Eah hott di leit vekk gnumma zu Kir un hott da Rezin doht gmacht.

2. Kaynicha 17:6

Im neinda yoah fumm Hosea sei reich hott da kaynich funn Assyria Samaria ivvah-gnumma un hott di Israeliddah vekk noch Assyria gnumma. Eah hott dayl in di shtatt Halah ksetzt, dayl in di shtatt Habor, dayl am Gosan Revvah nohch un aw dayl in di Medah leit iahra shtett.

Jesoiya 10:9

Is es nett ganga mitt Kalno vi mitt Karchemis? Is nett Hamath vi Arpad, adda Samaria vi Damascus?

Jesoiya 16:14

Avvah nau sawkt da Hah, “In drei yoah's zeit, so vi en gnecht di zeit zayla dayt, dann zayld di hallichkeit funn Moab un iahra leit abkshnidda sei. Yusht vennich funn iahra leit zayla ivvahrich sei un si zayla oahrich shvach sei.”

Jesoiya 17:4

“In sellem dawk zayld di hallichkeit fumm Jakob vennichah vadda un da shpekk in seim leib zayld fagay.

Jesoiya 25:2

Du hosht di shtatt in en shtay haufa gmacht, di shtatt mitt vanda is en haufa; di kaynich-heisah funn fremdi sinn kenn shtatt may; un see vatt nee nimmi ivvah gebaut.

Jesoiya 7:16

Avvah eb da boo genunk vayst fa evil nunnah drayya un's gooda ohnemma, dann zayld's land mitt di zvay kaynicha es du dich feichsht diveyya gans leah sei.

Jesoiya 7:8

fa da kobb ivvah Syria is di shtatt funn Damascus, un da kobb ivvah Damascus is yusht da Rezin. In fimf un sechtzich yoah zayld's land Ephraim uf gebrocha sei un zayld nimmi en folk sei.

Jesoiya 8:4

Eb da boo vayst vi zu sawwa ‘Mei daett’ adda ‘Mei maemm,’ dann zayld di macht funn Damascus un's kshtohla shtoft funn Samaria vekk gedrawwa sei beim kaynich funn Assyria.”

Hosea 1:4

No hott da Hah ksawt zumm Hosea, “Naym een Jesreel, veil ich glei em Jehu sei nohch-kummashaft shtrohfa zayl fa's bloot-fageeses es blatz gnumma hott an Jesreel, un ich zayl en end macha fumm kaynich-reich funn Israel.

Hosea 1:6

Di Gomer is viddah uf em family vayk vadda un hott en glay maydli katt. No hott da Hah ksawt zumm Hosea, “Hays see Lo-Ruhama, veil ich kenn bamhatzichkeit may veisa zayl zumm haus funn Israel un zayl si nimmi fagevva.

Hosea 10:14

dann vatt di yacht funn greek uf kumma geyyich dei leit, so es dei feshti shtett nunnah grissa vadda vi da Shalman Beth-Arbeel nunnah grissa hott uf em dawk fumm greek, un vo di muddahra un iahra kinnah in shtikkah grissa voahra.

Hosea 3:4

Dess is veil di Kinnah-Israel aw en langi zeit sei zayla unni en kaynich adda en evvahshtah, unni opfahra adda shtay-poshta, unni en preeshtah-shatz adda en gleichnis.

Hosea 8:8

Israel is uf kshlukt bei di heida, see vatt rumm gedrawwa bei eena, vi en shtikk ksha es nimmand vill.

Hosea 9:11

Em Ephraim sei hallichkeit fleekt vekk vi en fokkel— kenn kinnah vadda geboahra, adda vaxa im muddahs-leib, adda vadda nee nett ohkfanga.

Amos 8:14

Selli es shveahra bei di abgettah funn Samaria, un sawwa, ‘Yusht so voah es dei gott laybt, oh Dan,’ adda, ‘so voah es da gott funn Beer-Seba laybt’— selli leit zayla falla un nimmi uf shtay.”