Jesoiya 16:7 - Pennsylvania Dutch Bible

⁷ Fasell doon di Moabiddah heila, si heila fa Moab. Si yammahra un heila fa di reseina-kucha funn di shtatt Kir-Hareseth. Si sinn gans unni moot.

Jesoiya 16:7 ပူးပေါင်းရင်းမြစ်များ

2. Kaynicha 3:25

So henn si di shtett fadauva, un yaydah mann hott en shtay uf alli goot shtikk land kshmissa biss es ufkfild voah. Si henn awl di vassah-shpringa ufkshtobt un awl di gooda baym umgmacht, biss yusht di shtay funn di shtatt Kir-Hareseth kshtanna henn. Un di mennah mitt shtay-shlinga sinn drumm rumm un henn di shtatt kshtaynicht.

1. Chronik 12:40

Un iahra nochbahra so veit vekk es Isachar, Sebulon un Naphthali henn ess-sach gebrocht uf aysla, kamayla, halb-aysla un oxa. 'S voah blendi ess-sach—mayl, feiya-kucha, drauva-kucha, vei, ayl, fee un shohf. Un's voah grohsi frayt in Israel.

1. Chronik 16:3

No hott eah en layb broht, en shtikk flaysh un en boddel vei gevva zu alli mann un fraw in Israel.

Jesoiya 16:11

Fasell heild mei hatz ivvah Moab vi en harf, mei innahlich leib dutt vay fa Kir-Heres.

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Jeremia 48:20

‘Moab is fashohmd un faddich gmacht,’ sawwa si, ‘Heilet un greishet naus! Sawwet's am Arnon Revvah nohch es Moab gans fadauva is.’

Jeremia 48:31

Fasell, muss ich heila ivvah Moab un brilla veyyich eem. Ich muss yammahra ivvah di leit funn Kir-Heres.