Jesoiya 15:2 - Pennsylvania Dutch Bible

² Di leit funn Dibon gayn nuff an da tempel, si gayn in di hohcha-bletz fa heila, Moab heild ivvah Nebo un Medeba, alli-ebbah hott sei kobb kshoahra, un sei boaht abkshnidda.

Jesoiya 15:2 ပူးပေါင်းရင်းမြစ်များ

2. Samuel 10:4

So hott da Hanun em Dawfit sei mennah gnumma un hott dihelft funn iahra beaht abkshayft un hott iahra glaydah abkshnidda biss nuff an's belt un hott si fatt kshikt.

1. Chronik 19:4

So hott da Hanun em Dawfit sei mennah gnumma un hott iahra beaht abkshayft un hott iahra glaydah abkshnidda biss nuff an di hifta, no hott eah si fatt kshikt.

Hiob 1:20

No is da Hiob ufkshtanna, hott sei glaydah farissa un hott sei kobb kshayft. Eah is no nunnah uf da bodda kfalla un hott gebayda:

Jesoiya 14:31

Heil, du doah! Yohl, du shtatt! shmelset vekk, diah Philishtah! En shmohk-volk kumd funn di natt, un funn dee kumd nimmand hinna nohch.

Jesoiya 15:3

Si veahra sekk-glaydah in di shtrohsa, uf di dechah un in di shtrohsa sinn si am heila, alli-ebbah is am brilla.

Jesoiya 16:12

So vann di leit funn Moab an di hohcha awldah gayn dann veahra si sich yusht aus. Vann si an da awldah gayn fa bayda, dann richta si nix aus.”

Jesoiya 16:7

Fasell doon di Moabiddah heila, si heila fa Moab. Si yammahra un heila fa di reseina-kucha funn di shtatt Kir-Hareseth. Si sinn gans unni moot.

Jesoiya 22:12

Fasell hott da Hah, da Awlmechtich Hah, zu eich groofa an sellah dawk, fa heila un veina, fa eiyah hoah abshneida un sekk-glaydah veahra.

Jesoiya 3:24

In blatz funn goot-shmakkich ayl zayld's en veeshtah kshmakk sei; in blatz funn en duch-belt zayld's en shtrikk sei, in blatz funn shayni hoah zayld's en bluddah kobb sei, in blatz funn feini glaydah zayld's sekk-glaydah sei, in blatz funn shayheit zayld's shohm sei.

Jeremia 3:21

En shtimm vatt keaht uf di bludda hivla; es is di Kinnah-Israel am heila un veina, veil si evil gedu henn, un henn da Hah iahra Gott fagessa.

Jeremia 47:2

Dess is vass da Hah sawkt: “Gukk moll vi di vassahra funn di natt am ruff kumma sinn; si kumma ruff un lawfa shteik. Si lawfa ivvah's gans land un filla's uf, un awl di shtett un selli es drinn voona. Di leit greisha naus; awl di leit im land zayla heila,

Jeremia 47:5

Gaza heild un shayft sei kobb; di leit funn Askalon sinn gans shtill. Vi lang zaylet diah eich shneida, diah es ivvahrich sind funn di valley?

Jeremia 48:1

Veyyich Moab: Dess is vass da Awlmechtich Hah, da Gott funn Israel sawk: “Vay zu di shtatt Nebo, see zayld faveesht vadda; Kiriathaim vatt fashohmd un ivvah-gnumma; da shteik blatz vatt fashand un fabrocha.

Jeremia 48:18

Kumm runnah funn dei hallichkeit, du dochtah es in Dibon voonsht, un hokk dich nunnah in da shtawb! Fa sellah es Moab faveesht kumd geyyich dich, un reist dei fashteikti shtett nunnah.

Jeremia 48:31

Fasell, muss ich heila ivvah Moab un brilla veyyich eem. Ich muss yammahra ivvah di leit funn Kir-Heres.

Jeremia 48:35

In Moab zayl ich en end macha funn di leit es opfahra macha in hohchi bletz, un es insens brenna zu iahra gettah.” So sawkt da Hah.

Jeremia 49:3

“Heil, oh Hesbon, veil Ai fadauva is! Greishet, diah veibsleit funn Rabba! Doond sekk-glaydah oh un heilet; shpringet fashtatzt zrikk un faddi, fa dei gott Milkom vatt vekk gnumma, un aw sei preeshtah un evvahshti.

Jeremia 7:29

Shneit dei hoah ab un shmeis see vekk, heil drovva uf di bludda hivla. Fa da Hah hott dee leit es eah zannich is mitt, falossa un si vekk kshtohsa.

Ezekiel 27:31

Si shayfa iahra kebb fa dich, un doon sekk-glaydah oh. Si heila mitt angsht in iahra sayl, un doon biddahlich veina.

Ezekiel 30:2

“Mensha-kind, broffetzei un sawk, ‘Dess is vass da Awlmechtich Hah sawkt: Heilet, un sawwet, “Vay, fa sellah dawk!”

Ezekiel 7:18

Si zayla sekk-glaydah ohdu, si vadda fagelshtaht mitt angsht. Shohm is uf iahra ksichtah un iahra kebb sinn bawl-kebbich.

3. Mosi 13:40

Vann en mann sei hoah faliaht uf em kobb, un is bawld, dann is eah rein.

3. Mosi 21:5

Di preeshtah sella nett ennich dayl funn iahra kobb bawld macha bei iahra kobb shayfa adda iahra boaht trimma adda iahra leib shneida.

Amos 8:10

Ich dray eiyah feiyah-dawk essa zu veines, un awl eiyah singes zu heiles. Ich mach eich awl sekk-glaydah veahra un mach eich eiyah kebb shayfa. Ich mach selli zeit vi heila fa en aynsishtah boo un da dawk zayld biddah sei biss an's end.

4. Mosi 21:28

Feiyah is aus Hesbon ganga, flamm aus em Sihon sei shtatt. Es hott di shtatt Ar in Moab fabrend, un di leit funn di hohcha-bletz in Arnon.

4. Mosi 21:30

Avvah miah henn si ivvah-kshmissa funn Hesbon biss gans an Dibon. Miah henn si fadauva so veit es Nophah, un so veit vekk es Medeba.”

4. Mosi 32:3

“Ataroth, Dibon, Jaser, Nimra, Hesbon, Eleale, Sebam, Nebo un Beon, im land

4. Mosi 32:38

Nebo, Baal-Meon un Sibma ivvah gebaut, un henn dayl funn di shtett anri nayma gevva.

5. Mosi 14:1

Diah sind di kinnah fumm Hah eiyah Gott. Diah sellet eich nett shneida adda eiyah kebb fanna shayfa vann diah veinet fa di dohda,

5. Mosi 34:1

No is da Mosi funn hunna uf em ayvana in Moab nuff uf da Berg Nebo ganga, nuff ovva uf Pisga, yusht hivva funn Jericho. Datt hott da Hah eem's gans land gvissa, funn Gilead zu Dan,