Jesoiya 14:24 - Pennsylvania Dutch Bible

²⁴ Da Awlmechtich Hah hott kshvoahra, “Vass ich ausgmacht habb fa du, so zayld's sei, vass ich im sinn habb, so zayld's shtay.

Jesoiya 14:24 ပူးပေါင်းရင်းမြစ်များ

1. Mosi 41:32

Da drohm voah gevva zumm Pharao in zvay vayya so es miah vissa kenna es es kumd funn Gott, un Gott zayld's glei ausfiahra.

Hiob 23:13

Avvah eah shtayt laynich; veah kann geyyich een gay? Eah dutt vass eah vill.

Psalm 110:4

Da Hah hott kshvoahra, un eah fa'ennaht sei vatt nett; “Du bisht en preeshtah fa'immah, noch di gleichlich adning fumm Melchisedek.”

Psalm 33:10

Da Hah macht da roht funn di heida zu nix kumma, un fadaubt vass di leit im sinn henn fa du.

Psalm 92:5

Vi grohs sinn dei verka, oh Hah, un vi deef dei gedanka!

2. Mosi 17:16

Eah hott ksawt, “Veil da Hah kshvoahra hott, dann zayld da Hah fechta geyyich da Amalek funn nohch-kummashaft zu nohch-kummashaft.”

Shpricha 19:21

En mann hott feel sacha im sinn fa du, avvah da Hah zayld's ausrichta vi eah's vill.

Shpricha 21:30

'Sis kenn veisheit, kenn eisicht un kenn roht, es ufshtay kann geyyich da Hah.

Jesoiya 10:5

“Vay zumm land Assur es ich yoos fa di root funn meim zann; in sei hand is da grohs shtekka funn meim zann.

Jesoiya 19:12

Vo sinn dei mennah mitt veisheit nau? Loss si diah sawwa vass da Awlmechtich Hah du zayld geyyich Egypta.

Jesoiya 19:17

Es land funn Juda zayld di Egyptah fagelshtahra. Alli-ebbah es shvetzt veyyich Juda zayld angsht havva ivvah vass da Awlmechtich Hah du zayld geyyich Egypta.

Jesoiya 55:8

“Fa mei gedanka sinn nett eiyah gedanka, un eiyah vayya sinn nett mei vayya,” sawkt da Hah.

Jesoiya 55:9

“Vi di himla haychah sinn es di eaht, so sinn mei vayya haychah es eiyah vayya, un mei gedanka es eiyah gedanka.

Jeremia 23:20

Da zann fumm Hah zayld nett zrikk drayya biss eah folshtendich ausricht vass eah im sinn hott zu du. In di letshta dawwa zaylet diah dess recht fashtay.

Jeremia 29:11

Fa ich vays di gedanka es ich im sinn habb fa eich,” sawkt da Hah, “gedanka fa eich goot du un nett fa eich shawda du; gedanka fa eich hofning gevva fa shpaydah naus.

Jeremia 44:26

Avvah heichet's vatt fumm Hah ab, awl diah funn Juda es im land Egypta voonet, ‘Ich shveah bei meim grohsa nohma,’ sawkt da Hah, ‘so es nimmand funn Juda es im gansa land funn Egypta voond may mei nohma yoosa zayld, adda shveahra un sawwa, “So voah es Gott da Hah laybt.”

Jeremia 49:20

Fasell, heichet vass da Hah auskshaft hott geyyich Edom, vass eah im sinn hott fa du geyyich selli es in Theman voona: Even iahra glenna shiblen vadda vekk kshlayft, un iahra vayt-land vatt leah deich si.

Jeremia 50:45

Fasell, heichet vass da Hah auskshaft hott geyyich Babylon, vass eah im sinn hott fa du geyyich's land funn di Chaldayah: Iahra glenni shiblen vadda vekk kshlayft, un iahra vayt-land vatt leah deich si.

Glawk-Leedah 3:37

Veah kann shvetza un's kumd voah, unni es da Hah so gebodda hott?

Ezekiel 12:25

Avvah, ich da Hah, zayl sawwa vass ich vill un's zayld grawt voah kumma. In eiyah zeit, du fashtokt haus, zayl ich voah kumma macha vass-evvah es ich sawk. So sawkt da Awlmechtich Hah.’”

Ezekiel 39:4

Du zaylsht uf di berga funn Israel falla, du un awl dei greeks-gnechta, un aw awl di greeks-gnechta funn di anra lendah es bei diah sinn. Ich mach dich foodah fa awl di fekkel es flaysh fressa un fa awl di vilda diahra.

Amos 3:6

Doon leit sich nett feicha vann's greeks-hann blohst? Vann en shlechti sach blatz nemd in en shtatt, hott nett da Hah dess zu gebrocht?

Amos 8:7

Da Hah hott kshvoahra bei sich selvaht, deah es da Jakob so shtols is mitt, “Ich zayl nee nett fagessa vass si gedu henn.

Matthäus 11:25

An selli zeit hott Jesus gebayda un hott ksawt, “Ich dank dich, Faddah un Hah fumm Himmel un di eaht, es du dee sacha zrikk kalda hosht funn dee vo veisheit henn un gland sinn, un hosht si gvissa zu denna vo sinn vi kinnah.

Di Apostelgeschichte 4:28

henn gedu vass dei hand un dei villa difoah ausgmacht katt henn fa du.

Epheser 1:9

Un eah hott uns di deefa sacha funn seim villa vissa glost in aynichkeit mitt vass eah ausgmacht hott fa du in Christus mitt grohsi frayt.

Hebräer 4:3

Nau miah vo geglawbt henn, gayn in sellah roo nei. So vi eah ksawt hott, “In meim zann habb ich kshvoahra, ‘Si sella nett in mei roo nei gay.’” Un doch, sei verka voahra faddich gmacht fumm ohfang funn di veld.

Joshua 11:20

Da Hah hott iahra hatza hatt gmacht fa di Kinnah-Israel fechta, so es eah si awl doht macha kann. Si henn kenn bamhatzichkeit havva sella, avvah si henn awl doht gmacht sei sella, grawt vi da Hah em Mosi gebodda gevva katt hott.