Jesoiya 14:19 - Pennsylvania Dutch Bible

¹⁹ Avvah du bisht aus deim grawb kshmissa vadda, vi en nasht es nimmand vill. Du bisht geglayt mitt selli es doht gmacht voahra, selli es deich kshtohsa voahra mitt em shvatt, un in en shtaynichi pitt kshmissa voahra, vi ebbah dohdes es fadredda vatt.

Jesoiya 14:19 ပူးပေါင်းရင်းမြစ်များ

1. Kaynicha 21:19

Sawk zu eem, ‘Dess is vass da Hah sawkt: Hosht du en mann doht gmacht so es du sei land nemma kansht?’ No sawk zu eem, ‘Dess is vass da Hah sawkt: Im blatz vo di hund em Naboth sei bloot ufkshlekt henn, zayla di hund aw dei bloot ufshlekka.’”

1. Kaynicha 21:24

Ennich's fumm Ahab sei freindshaft es shtaubt in di shtatt zayld kfressa sei bei di hund, un selli es shtauva aus di shtatt zayla di fekkel fressa.”

2. Kaynicha 9:25

Da Jehu hott no ksawt zumm Bidekar, sei gnecht, “Nemm een uf un shmeis een in's feld es als em Naboth funn Jesreel sein voah. Meindsht du noch vo ich un du am foahra voahra hinnich em Joram sei daett, da Ahab, vi da Hah dee vadda gebroffetzeit hott veyyich eem:

Jesoiya 13:15

Alli-ebbah es kfunna vatt, vatt deich kshtohsa, un selli es kfanga vadda, zayla falla bei em shvatt.

Jesoiya 14:18

Awl di kaynicha funn di heida leiya in grohsi eah, yaydahs in sei ayya grawb.

Jesoiya 34:3

Iahra kshlachtani vadda naus kshmissa, si fafaula un en heslichah kshmakk gayt ab funn eena; iahra bloot lawft ivvah di berga nunnah.

Jesoiya 5:25

Fasell brend em Hah sei zann hays geyyich sei leit; eah haybt sei hand uf geyyich si un shlakt si nunnah. Di berga shidla, un di dohda leit leiya vi trash in di shtrohsa. Doch lost sei zann nett nohch, un sei hand is alsnoch auskshtrekt fa shtrohfa.

Jeremia 16:6

Di grohsa un di glenna zayla shtauva in demm land. Si zayla nett fagrawva vadda un nimmand zayld heila fa si. Nimmand zayld sich shneida adda sei kobb shayfa fa si.

Jeremia 22:19

Si zayla een fagrawva vi en aysel, es vekk kshlayft is un naus kshmissa vatt, autseit di doahra funn Jerusalem.”

Jeremia 41:7

Vo si in di shtatt nei ganga sinn, hott da Ismael, em Nethania sei boo, un di mennah es bei eem voahra si doht gmacht un si in en sistahn kshmissa.

Jeremia 41:9

Nau da sistahn vo da Ismael di dohda mennah nei kshmissa hott mitt em Gedalia, voah da sistahn es da Kaynich Asa gmacht katt hott im greek geyyich da Baesa, da kaynich funn Israel. Da Ismael, em Nethania sei boo, hott en ufkfild mitt di dohda.

Jeremia 51:4

Si falla doht nunnah in Babylon, si vadda deich kshtohsa in di shtrohsa.

Ezekiel 32:23

Iahra grayvah sinn im deefshta blatz funn di dohda, un iahra greeks-gnechta leiya gans um see rumm im grawb. Awl selli es leit fagelshtaht henn im land funn di levendicha sinn doht, doht gmacht mitt em shvatt.

Ezekiel 32:27

Si doon nett leiya mitt di anra mechticha greeks-gnechta es doht gmacht voahra, selli es nunnah in's grawb ganga sinn mitt iahra greeks-ksha, mitt iahra shvadda unnich iahra kebb, avvah iahra sinda sinn uf iahra gnocha. Si voahra greeks-gnechta es leit fagelshtaht henn im land funn di levendicha.