Jesoiya 14:16 - Pennsylvania Dutch Bible

¹⁶ Selli es dich sayna, zayla dich fashtaund ohgukka, si zayla vunnahra un sawwa, “Is dess da mann es di eaht kshiddeld hott, sellah es di kaynich-reicha gmacht hott ziddahra,

Jesoiya 14:16 ပူးပေါင်းရင်းမြစ်များ

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

Psalm 64:9

No doon awl di mensha sich feicha un sawwa, “Dess is di eahvet funn Gott!” Un si denka drivvah vass eah gedu hott.

Jesoiya 14:15

Avvah du zaylsht runnah kshmissa sei in di hell, runnah in's deefsht grawb.

Jesoiya 14:17

sellah es di veld gmacht hott vi en vildahnis, un di shtett ivvah-gedredda, sellah es sei kfangani nett glost hott haym gay?”

Jeremia 50:23

Vi oahrich is sellah hammah funn di gans veld fabrocha un fadauva vadda! Vi veesht un leah is Babylon vadda unnich awl di lendah!

Ezekiel 32:23

Iahra grayvah sinn im deefshta blatz funn di dohda, un iahra greeks-gnechta leiya gans um see rumm im grawb. Awl selli es leit fagelshtaht henn im land funn di levendicha sinn doht, doht gmacht mitt em shvatt.

Ezekiel 32:27

Si doon nett leiya mitt di anra mechticha greeks-gnechta es doht gmacht voahra, selli es nunnah in's grawb ganga sinn mitt iahra greeks-ksha, mitt iahra shvadda unnich iahra kebb, avvah iahra sinda sinn uf iahra gnocha. Si voahra greeks-gnechta es leit fagelshtaht henn im land funn di levendicha.

Nahum 3:6

Ich shmeis drekk uf dich un mach dich grausam. Ich mach dich en fashtelling fannich leit.

Habakuk 1:10

Si fashpodda kaynicha, un lacha ivvah roolahs. Si lacha ivvah awl di zu gvanda shtett, si bauwa da grund uf an di vand nohch, gayn nuff un fanga di leit.

Habakuk 1:17

Zayla si ohhalda iahra net ausleahra, un unni bamhatzichkeit anri lendah doht macha?