Jesoiya 13:14 - Pennsylvania Dutch Bible

¹⁴ Vi en hash es di hundah am hunda sinn, adda vi en shohf es kenn heedah hott, zayld alli-ebbah zrikk drayya zu sei aykni leit, un alli-ebbah zayld zrikk gay zu sei ayya land.

Jesoiya 13:14 ပူးပေါင်းရင်းမြစ်များ

1. Kaynicha 22:17

No hott da Micha ksawt, “Ich habb gans Israel ksenna ausnannah kshtroit uf di hivla vi shohf unni en heedah, un da Hah hott ksawt, ‘Dee leit henn kenn meishtah; loss yaydahs funn eena haym gay in fridda.’”

1. Kaynicha 22:36

Vi di sunn am unnah gay voah is es vatt rumm gegrisha vadda zu di greeks-gnechta, “Alli-ebbah zrikk zu sei shtatt un land!”

Jesoiya 17:13

Yau, di leit macha en yacht vi en grohs vassah, avvah vann eah si zankt dann shpringa si fatt. Si vadda gyawkt vi shprau beim vind uf di berga, un vi shtawb in en vind-veahvel.

Jesoiya 21:15

Si sinn am fatt shpringa fumm shvatt, fumm shvatt es raus gezowwa is, fumm gebohwana bow, un funn di kfoah funn greek.

Jesoiya 47:15

Sell is alles es si du kenna fa dich, selli es du zu du katt hosht mitt, un kshaft hosht mitt funn yungem uf. Yaydahs funn eena gayt sei ayknah, letzah vayk, un kens funn eena kann dich frei macha.”

Jeremia 25:12

Avvah vann di sivvatzich yoah moll ivvah sinn, zayl ich da kaynich funn Babylon, sei leit, un's land funn Babylon shtrohfa fa iahra shuld,” sawkt da Hah. “Ich zayl sell land faveesht leiya lossa fa'immah.

Jeremia 50:16

Losset di leit funn Babylon iahra sohma nett sayya, un losset si iahra eahn nett shneida. Deich's shvatt funn di nunnah-dreddah datt, zayla awl di ausahra zrikk zu iahra aykni leit gay; alli-ebbah gayt zrikk zu sei ayya land.

Jeremia 51:9

‘Miah henn broviaht Babylon hayla, avvah see hott nett kayld sei kenna; losset see hokka un vella in unsah ayya land gay, fa iahra shtrohf langd nuff in da himmel, so hohch es di volka.

Nahum 3:18

Dei shohf-heedah sinn am shlohfa, oh kaynich funn Assyria, dei feddahshti sinn am roowa. Dei leit sinn fashtroit ivvah di berga, un's is nimmand fa si zammah bringa.

Matthäus 9:36

Avvah vo Jesus di drubb leit ksenna hott, hott eah si oahrich gedavvaht veil si meet un fashtroit voahra, vi shohf es kenn heedah henn.

Markus 6:34

Un vi Jesus aus em boat kumma is voahra feel leit datt, un eah hott si oahrich gedavvaht veil si voahra es vi shohf unni en heedah. No hott eah ohkfanga feel sacha auslayya zu eena.

1. Petrus 2:25

Fa diah voahret vi shohf es sich faloahra henn, avvah nau sind diah zrikk kumma zumm shohf-heedah un bishof funn eiyah sayla.