Jesoiya 10:3 - Pennsylvania Dutch Bible

³ Vass zaylet diah du im gericht's dawk, im veeshta shtoahm es kumma zayld funn veit ab? Zu vemm shpringet diah no fa hilf, un vo losset diah no eiyah hallichkeit un eah?

Jesoiya 10:3 ပူးပေါင်းရင်းမြစ်များ

1. Mosi 31:1

Da Jakob hott keaht es em Laban sei boova am sawwa voahra, “Da Jakob hott alles vekk gnumma es unsah daett aykend, un eah is so oahrich reich vadda bei vass zu unsah daett heaht.”

2. Kaynicha 7:15

Si sinn eena nohch ganga biss an da Jordan Revvah, un gans am vayk nohch henn glaydah un annah sach gleyya es di Syrians vekk kshmissa katt henn diveil es si am sich dumla voahra. No sinn di mennah zrikk un henn em kaynich dess ksawt.

Hiob 31:14

dann vass kend ich du vann Gott fannich miah shtayt? Vass fa andvat gebb ich eem vann eah mich richt?

Shpricha 11:4

Feel geld helft nix am dawk fumm zann, avvah gerechtichkeit hald dich aus di kfoah fumm doht.

Jesoiya 13:6

Veinet, fa da dawk fumm Hah is nayksht, es zayld kumma vi en fadeahvung fumm Awlmechticha.

Jesoiya 17:4

“In sellem dawk zayld di hallichkeit fumm Jakob vennichah vadda un da shpekk in seim leib zayld fagay.

Jesoiya 20:6

Di leit es am say nohch voona zayla sellah dawk sawwa, ‘Saynet vass es gevva hott mitt selli es miah uns falossa henn druff, selli es miah ditzu ganga sinn fa hilf un uns frei macha fumm kaynich funn Assyria! Vi kenna miah lohs gmacht vadda?’”

Jesoiya 26:14

Si sinn nau doht un layva nimmi, di kshtauvana shtayn nett uf. Du hosht si kshtrohft un zu nix gebrocht, un hosht kenn gedenknis glost funn eena.

Jesoiya 26:21

Gukket moll, da Hah is am aus sei gebei kumma, fa di leit uf di eaht shtrohfa fa iahra sinda. Di eaht zayld's bloot veisa es fagossa voah uf iahra, un fashtekkeld selli nimmi lengah es doht gmacht voahra.

Jesoiya 28:20

Es bett is zu katz fa ebbah sich ausshtrekka, un di dekk zu eng fa sich eivikla.

Jesoiya 29:6

Da Awlmechtich Hah zayld kumma mitt gviddah, eaht-bayben un en grohsi yacht, mitt vind un shtoahm, un mitt flamm un en fazeahrich feiyah.

Jesoiya 30:16

Diah hend ksawt, ‘Nay, miah gayn difunn uf geil.’ Yau, diah zaylet voll difunn gay! Diah hend ksawt, ‘Miah gayn mitt geil es shteik shpringa kenna.’ Avvah selli es eich nohch gayn sinn kshvindah.

Jesoiya 30:5

di leit funn Juda zayla gedaymeedicht sei veil di leit es si sich falossa druff, eena nett helfa kenna. Si bringa yusht shohm un shanda.”

Jesoiya 30:7

un zu Egypta, dess land es goah kenn hilf is. Fasell, hays ich see, “Rahab,” es hokt un dutt nix.

Jesoiya 33:14

Di sindah funn Zion sinn fagelshtaht, di gottlohsa ziddahra. Si sawwa, “Veah funn uns kann voona mitt em fazeahrich feiyah? Veah funn uns kann layva mitt ayvich brennes?”

Jesoiya 39:3

No is da Jesoiya da brofayt zumm Kaynich Hiskia ganga un hott kfrohkt, “Vass henn selli mennah ksawt, un vo sinn si bei kumma?” “Funn en land veit ab,” hott da Hiskia ksawt, “si sinn zu miah kumma funn Babylon.”

Jesoiya 5:14

Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.

Jesoiya 5:26

Da Hah mohshend mitt en sign zu di heida veit ab, eah peift zu selli an's end funn di eaht. Un gukket moll, shnell un kshvind kumma si bei.

Jeremia 22:7

Ich zayl fadeahvah geyyich dich shikka, alli-ebbah mitt sei ax. Si zayla eiyah beshti cedar poshta umhakka, un si uf's feiyah shmeisa.

Jeremia 4:30

Vass bisht du am du, oh Jerusalem, es fadauva sei zayld? Favass dusht du rohdi glaydah oh, un veahsht keshtlichi shtay un gold? Favass dusht dei ksicht shay macha? Du machsht dich shay fa nix. Selli es du havva vitt, vella dich nett, si vella dich doht macha.

Jeremia 5:31

Di brofayda broffetzeiya leeya, di preeshtah roola vi si vella un mei leit gleicha's vi sell. Avvah vass zaylet diah du vann dess moll awl end?”

Jeremia 9:9

Sett ich si nett shtrohfa fa dess?” frohkt da Hah. “Sett ich mich nett auseeva, fa so en folk vi dess?”

Hosea 5:13

Vo da Ephraim sei grankheit ksenna hott, un Juda sei vayyah blakka, no hott da Ephraim sich falossa uf Assur, un hott kshikt fa hilf fumm grohsa kaynich. Avvah eah hott diah nett helfa kenna, un dich aw nett hayla kenna.

Hosea 9:5

Vass zaylet diah no du an di fesht-zeida, un uf di feiyah-dawwa fumm Hah?

Hosea 9:7

Di dawwa funn shtrohf sinn do; di zeit fa betzawla is do. Israel soll dess vissa. Veil eiyah sinda so feel sinn, un eiyah hass so grohs is, dann is da brofayt fanumma es en nah, un da geishtlich mann es farukt.

Amos 5:19

Es zayld sei es vann en mann am shpringa is funn en layb, un dutt no en beah ohdreffa, adda es vann en mann in sei haus nei gayt, dutt sei hand uf di vand, un en shlang beist een.

Micha 7:4

Es besht funn eena is vi en danna-shtokk, un da ufrichtisht vi en hekka-shtokk. Da dawk funn dei vatsh-mann is do; da dawk funn dei shtrohf is do; nau vissa si nett vo naus.

Zephania 1:18

Iahra silvah un iahra gold kann si nett aus di kfoah halda im dawk fumm Hah sei zann. In seim jealous feiyah zayld di gans veld fabrend sei, fa eah macht en bletzlich end funn alli-ebbah es uf di eaht voond.”

Lukas 19:44

Si zayla dich uf da bodda shmeisa un aw dei kinnah vo in diah sinn, un si zayla nett ay shtay uf em anra lossa in diah veil du nett acht katt hosht an di zeit vo Gott dich gepsucht hott.”

5. Mosi 28:49

Da Hah zayld en folk geyyich eich bringa funn veit fatt, fumm end funn di veld, en folk mitt en shprohch es diah nett fashtaynd. Si fleeya nunnah uf eich vi en awdlah.

1. Petrus 2:12

Un fiahret en goot layves-lawf unnich di Heida, so es vann si shvetza geyyich eich veyyich letz du, dann kenna si sayna es diah goodi sacha doond, un si gevva Gott di eah uf em dawk vann eah moll kumd.