Jesoiya 10:29 - Pennsylvania Dutch Bible

²⁹ Si gayn deich's deich im hivvel un sawwa, “Miah bleiva ivvah-nacht an di shtatt Geba.” Di shtatt Rama is fagelshtaht, un Gibea, di shtatt fumm Saul, hott sich fabutzt.

Jesoiya 10:29 ပူးပေါင်းရင်းမြစ်များ

1. Kaynicha 15:23

Vass avvah may is zu sawwa veyyich em Asa sei reich, vass eah gedu un ausgricht hott un di shtett es eah ufgebaut hott, is dess nett ufkshrivva im buch fumm shreives funn di kaynicha funn Juda? Avvah vo eah ald vadda is, voahra sei fees vay.

Jeremia 31:15

Dess is vass da Hah sawkt: “En shtimm is keaht in Rama, en grohs veines un heiles; es is di Rachel am heila fa iahra kinnah, un see lost sich nett gedraysht sei, veil iahra kinnah nimmi do sinn.”

Hosea 10:9

“Siddah di dawwa funn Gibea hosht du ksindicht, oh Israel, un in dee sinda shtaynd diah noch. Zayld nett greek di sindah in Gibea ivvah-nemma?

Hosea 5:8

Blohset's hann in Gibea, un's greeks-hann in Rama. Roofet laut zu Beth-Aven; fassich in da greek, mennah funn Benjamin.

Hosea 9:9

Di sacha es di leit doon sinn grauslich, grawt vi in di dawwa funn Gibea. Gott zayld iahra ungettlichkeit nett fagessa, un zayld si shtrohfa fa iahra sinda.

Joshua 21:17

Un funn di shtamm fumm Benjamin henn si eena di fiah shtett, Gibeon, Giba,

1. Samuel 10:26

Da Saul is no zu sei haus ganga in Gibea, un dayl greftichi greeks-mennah es Gott ohgraykt katt hott im hatz, sinn mitt eem ganga.

1. Samuel 11:4

Vo di gebodda-drawwah am Saul sei shtatt Gibea kumma sinn un henn selli vadda ksawt zu di leit, henn si awl laut keild.

1. Samuel 13:16

Da Saul, sei boo da Jonathan, un di leit es bei eena voahra, sinn an Gebea in Benjamin geblivva, diveil es di Philishtah sich ufketzt henn an Michmas.

1. Samuel 13:2

hott eah drei dausend mennah funn Israel raus glaysa. Zvay dausend voahra bei eem in Michmas in di hivla funn Beth-El, diveil es en dausend beim Jonathan voahra an Gibea in Benjamin. Avvah eah hott di ivvahricha funn di leit zrikk an iahra tents kshikt.

1. Samuel 13:23

Di Philishtah henn en drubb greeks-gnechta naus kshikt an en engah blatz im vayk an Michmas.

1. Samuel 14:2

Da Saul voah ufkokt nayksht an Gibea unnich en grannat abbel-bohm in Migron. 'S voahra baut sex hunnaht mennah bei eem.

1. Samuel 14:4

Im enga blatz fumm vayk es da Jonathan deich gay hott missa fa nivvah zu di Philishtah gay, voahra zvay grohsi shpitzichi felsa, aynah uf yaydah seit fumm vayk. Aynah hott Bozes kaysa un da annah Sene.

1. Samuel 14:5

Ay felsa voah uf di natt seit geyyich Michmas un da annah uf di saut seit geyyich Geba.

1. Samuel 15:34

Da Samuel is no noch Rama ganga un da Saul is nuff an sei haus ganga in Gibea.

1. Samuel 7:17

Avvah eah is immah zrikk an Rama ganga vo sei haus voah un hott Israel datt gricht. Datt hott eah en awldah gebaut zumm Hah.