Jesoiya 10:16 - Pennsylvania Dutch Bible

¹⁶ Fasell, dutt da Hah, da Awlmechtich Hah, auszeahring unnich em Assur sei shteiki greeks-gnechta shikka; un unnich sei hallichkeit vatt en feiyah ohkshtekt vi en brennich flamm.

Jesoiya 10:16 ပူးပေါင်းရင်းမြစ်များ

2. Chronik 32:21

Un da Hah hott en engel kshikt es awl di mechticha greeks-leit, di evvahshti un di hauptmennah kshlauwa hott es im kaynich funn Assyria sei camp voahra. So is eah fashohmd zrikk in sei ayya land ganga. Un vo eah in da tempel funn seim gott ganga is, henn samm funn sei aykni kinnah een doht gmacht mitt em shvatt.

Psalm 106:15

So hott eah eena gevva vass si kfrohkt henn difoah, avvah eah hott so feel kshikt biss es eena ayklich voah.

Psalm 78:31

is da zann funn Gott uf si kumma, un hott di shteikshta funn eena doht gmacht, di beshta yungi mennah funn Israel.

Jesoiya 10:18

Di hallichkeit funn iahra busha un fruchtboahri feldah vadda zu nix gmacht, so vi en grankah mensh fazeahra dutt in di sayl un im flaysh.

Jesoiya 17:4

“In sellem dawk zayld di hallichkeit fumm Jakob vennichah vadda un da shpekk in seim leib zayld fagay.

Jesoiya 26:11

Oh Hah, dei hand is hohch ufkohva, avvah si sayna see nett. Loss si dei bekimmahnis sayna fa dei leit, un loss si sich shemma. Loss es feiyah es du haldsht fa dei feinda si fazeahra.

Jesoiya 31:9

Iahra shteiki mennah vadda fagelshtaht un fabutza sich, iahra foah-gengah lossa iahra greeks-flags hinnich sich mitt angsht,” so sawkt da Hah, sellah es is vi feiyah in Zion, vi en offa in Jerusalem.

Jesoiya 37:29

Veil du geyyich mich rawsht, un veil ich keaht habb funn dei shtolsheit, dann doon ich mei hohka in dei naws, un mei gebiss in dei maul, un mach dich zrikk gay da vayk es du kumma bisht.”

Jesoiya 37:36

Selli nacht is da engel fumm Hah naus ganga un hott en hunnaht un fimf un achtzich dausend mennah in di Assyrian camp umgebrocht. Vo di leit ufkshtanna sinn da neksht meiya, datt voahra awl dee dohda!

Jesoiya 5:17

No zayla di lemmah datt vayda es vi in iahra aykni feldah, un fremdi zayla essa in di reicha iahra fadauvani bletz.

Jesoiya 8:7

dann zayld da Hah di mechticha vassahra fumm Euphrates Revvah geyyich si bringa, naymlich da kaynich funn Assyria mitt awl sei macht. Da revvah zayld ivvah-lawfa un naus ivvah sei banks gay.

Jesoiya 9:4

Fa du hosht's yoch funn iahra lasht fabrocha, un di root uf iahra shuldahra, un aw da shtekka funn selli es si nunnah dredda, so vi am dawk funn Midian.

Jesoiya 9:5

Alli shtiffel es da greeks-mann gvoahra hott im greek, un awl di bloodicha glayda vadda gnumma fa's feiyah feedra.

Jeremia 21:14

Ich zayl eich shtrohfa fa vass diah gedu hend; ich shtekk eiyah busha oh mitt feiyah, un ich fabrenn alles um eich rumm.’” So sawkt da Hah.

Jeremia 48:14

Vi kennet diah mennah funn Moab sawwa, ‘Miah sinn mechtich un sinn shteiki greeks-leit’?

Ezekiel 34:16

Ich zayl sucha fa selli es faloahra sinn un si zrikk bringa. Ich binn di fagribbelda uf un mach di shvacha shteik, avvah selli es fett un shteik sinn mach ich doht. Ich gebb eena vayt es recht is.

Nahum 1:12

Dess is vass da Hah sawkt: “Even vann's feel funn eena sinn un si oahrich shteik sinn, doch zayla si abkshnidda sei un vekk gnumma vadda. Mei leit funn Juda, ich habb eich gedaymeedicht avvah ich daymeedich eich nimmi lengah.

Zephania 2:13

Eah zayld sei hand naus shtrekka geyyich di natt, un zayld Assyria umbringa. Eah fadaubt di shtatt funn Nineveh un see vatt en drukkani vildahnis.

Sacharia 7:4

No is es vatt fumm Awlmechticha Hah zu miah kumma un hott ksawt,

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.