Jesoiya 1:21 - Pennsylvania Dutch Bible

²¹ Gukk yusht moll, di shtandhaftich shtatt is vadda vi en huah! Si hott als leit iahra recht gevva, un iahra leit voahra gerecht, avvah nau dreiva si maddahrei.

Jesoiya 1:21 ပူးပေါင်းရင်းမြစ်များ

2. Samuel 8:15

So voah da Dawfit kaynich ivvah gans Israel, un eah hott gedu vass recht voah fa awl sei leit.

2. Chronik 19:9

Eah hott eena dess gebott gevva: “Diah sellet dess du in di furcht fumm Hah, un seind shtandhaftich mitt eiyah gans hatz.

Nehemia 11:1

Nau di evvahshta funn di leit henn in Jerusalem gvoond. Avvah di ivvahricha funn di leit henn's lohs gezowwa fa aynah aus zeyya rei bringa in di heilich shtatt Jerusalem fa datt voona, diveil es di anra neina in iahra aykni shtett bleiva.

Psalm 46:4

Es hott en revvah, un iahra grikka macha di shtatt funn Gott froh, selli heilich shtatt vo da Alli-Haychsht voond.

Psalm 48:1

Grohs is da Hah, un eah sett hohch gepreist sei, in di shtatt funn unsah Gott, uf sei heilicha hivvel.

Psalm 48:8

Vi miah keaht henn, so henn miah ksenna in di shtatt fumm Awlmechticha Hah, in di shtatt funn unsah Gott. Gott macht di shtatt shtandhaftich shtay fa'immah. (Sela)

Jesoiya 1:22

Dei silvah is vadda vi abgrohmdah shaum es nix veaht is, un dei goodah vei is gmixt mitt vassah.

Jesoiya 26:10

Even vann gnawt gvissa vatt zu di gottlohsa, doon si alsnoch nett gerechtichkeit lanna; un even in en land es ufrichtich is, doon si alsnoch evil, un sayna nett di hallichkeit fumm Hah.

Jesoiya 48:2

Si sawwa es si sinn funn di heilich shtatt, un falossa sich uf da Gott funn Israel, sei nohma is da Awlmechtich Hah.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Jesoiya 59:14

Di leit iahra recht is zrikk gedrivva, un gerechtichkeit is veit vekk; di voahheit hott kshtolbaht in di shtrohsa, un ufrichtichkeit kann nett nei gay.

Jesoiya 59:15

Di voahheit kann nett kfunna sei, un deah es funn evil drayt, dutt sich selvaht in di kfoah. Da Hah hott gegukt, un's hott eem nett kfalla es nimmand may sei recht greeya kann.

Jesoiya 59:3

Eiyah hend sinn unrein gmacht mitt bloot, un eiyah fingah mitt shuld. Eiyah leftz henn leeya ksawt, un eiyah zung gottlohsi sacha.

Jeremia 3:1

Gott sawkt: “Vann en mann en divorce-shreives zu sei fraw gebt, un see falost een un heiyaht en anra mann, sett eah see viddah zrikk nemma? Dayt sell nett's gans land unrein macha? Avvah du hosht huahrahrei gedrivva mitt feel mennah— daytsht du nau zrikk kumma zu miah?” sawkt da Hah.

Hosea 11:12

Da Ephraim hott mich umringd mitt leeya, un's haus funn Israel mitt falshheit. Juda is alsnoch geyyich Gott, geyyich da shtandhaftich Heilich Gott.

Hosea 2:5

Iahra maemm hott huahrahrei gedrivva, see hott si gedrawwa in shohm. See hott ksawt, ‘Ich zayl mei lusht-mennah nohch gay, si gevva miah ess-sach un vassah, vull un flax, un ayl un vei.’

Habakuk 1:4

Fasell is es ksetz fa'acht, un di leit iahra recht nee nett ufkohva. Di gottlohsa fensa di gerechta ei, un iahra recht vatt fadrayt.

Sacharia 8:3

Dess is vass da Hah sawkt: “Ich zayl zrikk kumma zu Zion un zayl in Jerusalem voona. No zayld Jerusalem di ‘Shtatt funn di Voahheit’ haysa, un da berg fumm Awlmechticha Hah zayld da ‘Heilich Berg’ kaysa sei.”

Lukas 13:34

Oh Jerusalem, Jerusalem, du vo di brofayda doht machsht, un shtaynichsht selli vo zu diah kshikt sinn! Vi oft havvich vella dei kinnah zammah geddahra vi en glukk iahra beeblen unnich iahra flikkel dutt, avvah du hosht nett vella!

Di Apostelgeschichte 7:52

Voahra's ennichs funn di brofayda es eiyah foah-feddah nett fafolkt henn? Un si henn dee doht gmacht vo fanna naus ksawt henn es Deah Gerecht kumma zayld. Diah sind nau hee kumma es diah Deah Gerecht farohda hend un en doht gmacht.

Hebräer 12:22

Avvah diah sind zumm Berg Zion kumma, zumm himlisha Jerusalem, di shtatt fumm levendicha Gott, un zu dausends funn engel.

Di Offenbarung 11:2

Avvah du nett da hohf messa uf di autseit fumm tempel. Loss sellah haus, fa sellah is ivvah-gevva zu di Heida. Si zayla di heilich shtatt unnich iahra fees nemma fa zvay un fatzich moonet.

Di Offenbarung 11:8

Iahra dohdi leivah zayla in di shtrohs funn di grohs shtatt leiya, dee vass geishtlich Sodom un Egypta hayst, datt vo iahra Hah aw gegreitzicht gvest voah.

Di Offenbarung 17:1

No is ayns funn di sivva engel es di sivva shisla katt henn zu miah kumma un hott ksawt, “Kumm, ich veis diah da shtrohf funn di grohs huah vo an feel vassahra hokt.