Jesoiya 1:17 - Pennsylvania Dutch Bible

¹⁷ Lannet fa recht du, suchet fa leit iahra recht, helfet di nunnah-gedreddana. Shaffet fa's recht funn selli unni eldra, un shtaynd uf fa's recht funn di vitt-veivah.

Jesoiya 1:17 ပူးပေါင်းရင်းမြစ်များ

Psalm 34:14

Dray vekk funn evil un du goot, such fridda un gay fridda nohch.

2. Mosi 22:21

Du solsht en fremdah nett nunnah dredda adda een letz yoosa, fa diah voahret moll fremdi leit in Egypya-land.

Shpricha 15:25

Da Hah reist's haus funn di shtolsa nunnah, avvah eah vatsht ivvah's land funn di vitt-fraw.

Shpricha 21:3

Fa du vass recht un feah is, is may leeblich zumm Hah es opfahra.

Shpricha 31:9

Shvetz uf un richt mitt gerechtichkeit, un mach es di aylendicha un oahma iahra recht greeya.”

Jesoiya 1:23

Eiyah roolahs drayya sich geyyich Gott, un shaffa mitt deeb; si gleicha geld hinna rumm nemma, un sucha fa kshenkah. Si shtayn nett uf fa selli unni eldra, un heicha da glawk funn vitt-veivah nett ab.

Jesoiya 10:2

so es si di evvahsht-hand greeya kenna funn vitt-veivah un kinnah unni eldahra, un so es selli in noht iahra recht nett greeya, un di oahma funn mei leit iahra recht faliahra.

Jesoiya 56:1

Dess is vass da Hah sawkt: “Haldet vass recht is, un doond gerechtichkeit, fa mei saylichkeit is nayksht, un mei gerechtichkeit vatt gvissa.

Jesoiya 58:6

Dess is di satt fashtes es ich havva vill: Losset selli lohs es diah unshuldich gebunna hend, nemmet di shtrikk lohs fumm yoch. Losset selli frei gay es diah nunnah dreddet, un fabrechet alli yoch.

Jeremia 21:12

diah es fumm Dawfit sei nohch-kummashaft sind, dess is vass da Hah sawkt: Vann ebbah grawbt vatt, dann gevvet eem sei recht geyyich da rawvah; doond dess alli meiya es eahsht ding, adda mei zann gayt naus vi en gleedich feiyah, un brend so es nimmand's ausmacha kann, veil diah dess evil gedu hend.

Jeremia 22:3

Dess is vass da Hah sawkt: Gevvet leit iahra recht un shaffet gerechtichkeit. Machet sellah es grawbt voah frei funn di macht funn sellah es eem letz gedu hott. Doond nix veeshtes adda unfashtendiches zu auslendah, zu selli unni eldra un zu di vitt-veivah; un doond nett unshuldich bloot fageesa in demm blatz.

Jeremia 35:15

Un ich habb aw mei gnechta di brofayda ivvah un ivvah zu eich kshikt, un si henn ksawt, “Yaydahs funn eich muss funn sei ungettlichi vayya vekk drayya un funn di sacha es eah dutt. Gaynd nett anri gettah nohch fa si deena. No kennet diah im land layva es ich eich un eiyah feddah gevva habb.” Avvah diah hend mich gans fa'acht un miah nett keicht.

Ezekiel 18:31

Shmeiset awl's ivvah-dreddes vekk funn eich es diah gedu hend; machet eich en nei hatz un en neiyah geisht. Favass seddet diah shtauva, diah im haus funn Israel?

Ezekiel 22:7

Si henn iahra maemm un daett fa'acht; si drikka di fremda nunnah un yoosa di vitt-veivah un kinnah unni eldra veesht.

Ezekiel 45:9

Dess is vass da Awlmechtich Hah sawkt: Diah sind veit genunk ganga, diah feddahshti funn Israel! Doond vekk mitt eiyah veeshtah unfashtand un ivvah-dreddes, un doond vass recht un goot is. Heahret uf di heisah un's land vekk nemma funn mei leit, sawkt da Awlmechtich Hah.

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Micha 6:8

Es is diah ksawt, oh mensh, vass goot is, un vass da Hah foddaht funn diah. Du solsht leit recht yoosa un bamhatzich sei zu eena, un daymeedich lawfa mitt deim Gott.

Zephania 2:3

Suchet fa da Hah, diah daymeedichi im land, diah es sei gebodda haldet. Suchet gerechtichkeit, suchet daymoot, fleicht vaddet diah fafayld uf da dawk fumm Hah sei zann.

Sacharia 8:16

Dess is vass diah du sellet: Sawwet di voahret zu nannah, richtet recht so es diah fridda hend an eiyah shtatt-doahra.

5. Mosi 14:29

Dess is fa di Lefiddah es kenn eahbshaft henn, fa di ausahra un fa di kinnah unni eldra un di vitt-veivah in eiyah shtett. Si kenna kumma un sich satt essa so es da Hah eiyah Gott eich saykna kann fa awl di eahvet funn eiyah hend.

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.