Jesoiya 1:11 - Pennsylvania Dutch Bible

¹¹ “Vass sinn eiyah feel opfahra zu miah?” sawkt da Hah. “Ich habb genunk shohf-bekk opfahra, un's fett funn feddi diahra. 'S bloot funn bulla, lemmah un gays is miah nett kfellich.

Jesoiya 1:11 ပူးပေါင်းရင်းမြစ်များ

Psalm 40:6

Shlacht-opfahra un shpeis-opfahra sinn diah nett kfellich, avvah mei oahra hosht du uf gmacht. Brand-opfahra un sind-opfahra hosht du nett kfrohkt difoah.

Psalm 50:8

Ich zank dich nett fa dei opfahra, un dei brand-opfahra sinn immah fannich miah.

Psalm 51:16

Du bisht nett froh mitt en opfah, adda dann dayt ich diah's bringa; brand-opfahra kfalla diah nett.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 21:27

Da opfah fumm gottlohsa is grausam, un vi feel may vann eah's bringd mitt evili gedanka.

Shpricha 21:3

Fa du vass recht un feah is, is may leeblich zumm Hah es opfahra.

Jesoiya 58:2

Si sucha mich alli dawk, un sinn eahnshtlich fa mei vayk vissa, es vann si en leit veahra es di gerechtichkeit doon, un hedda iahra Gott sei gebodda nett falossa. Si vella havva es ich eena rechti gerichta gebb, un sinn froh vann Gott nayksht kumd.

Jesoiya 66:3

Avvah veah-evvah es en ox opfaht, is vi sellah es en mann doht macht, un veah-evvah es en lamm opfaht, is vi sellah es en hund sei hals fabrecht; veah-evvah es en shpeis-opfah bringd, is vi sellah es bloot funn sei bringd, un veah-evvah es insens brend, is vi sellah es en abgott deend. Dee leit gayn iahra ayknah vayk, un greeya blesiah aus iahra grausam sach.

Jeremia 6:20

Vass gebb ich um insens funn Seba, adda salb-ayl funn en land veit ab? Eiyah brand-opfahra nemm ich nett oh; eiyah opfahra kfalla miah nett.”

Jeremia 7:21

Dess is vass da Awlmechtich Hah, da Gott funn Israel sawkt: ‘Gaynd un doond eiyah brand-opfahra zu eiyah anri opfahra un esset's flaysh selvaht!

Hosea 6:6

Fa ich gukk fa bamhatzichkeit, nett fa opfahra, un es leit Gott bekenna, leevah es brand-opfahra.

Hosea 8:13

Si macha feel opfahra zu miah un essa's flaysh, avvah si sinn em Hah nett kfellich. Nau zayld eah an iahra ungettlichkeit denka, un si shtrohfa fa iahra sinda; si zayla viddah zrikk zu Egypta gay.

Amos 4:5

Bringet ksavvaht broht fa en dank-opfah un braekket veyyich eiyah frei-villichi opfahra, losset alli-ebbah vissa diveyya, diah Israeliddah, dess is vass diah gleichet du.” So sawkt Gott da Hah.

Amos 5:21

“Ich hass eiyah feiyah-dawwa un nemm si nett oh; ich kann eiyah fasamlinga nett shtenda.

Amos 5:22

Diah bringet miah brand-opfahra un shpeis-opfahra, avvah ich zayl si nett ohnemma. Un vann diah feddi diahra bringet fa dank-opfahra, dann zayl ich si nett ohgukka.

Micha 6:7

Is da Hah kfellich mitt dausends funn shohf-bekk, mitt zeyya dausend revvahra funn ayl? Soll ich mei eahsht-geboahra kind opfahra fa mei sinda, es frucht funn meim leib fa di sinda funn mei sayl?

Haggai 2:14

No hott da Haggai ksawt, “Da Hah sawkt, ‘Grawt so is es mitt demm folk un dee leit in mei awwa. Vass-evvah es si doon un vass-evvah es si opfahra datt is unrein.

Sacharia 7:5

“Frohk di leit im land un di preeshtah, ‘Vo diah keild un kfasht hend im fimfda un sivvada moonet ivvah dee letshta sivvatzich yoah, voah's fa mich es diah kfasht hend?

Maleachi 1:10

“Oh, ich vott ayns funn eich dayt di tempel doahra zu macha, so es diah nett feiyah uf mei awldah du daydet fa nix! Diah sind miah nett kfellich,” sawkt da Awlmechtich Hah, “un ich nemm kenn opfah funn eich.

4. Mosi 7:45

ay yungah bull, en shohf-bokk un en yoah ald lamm fa en brand-opfah;

Matthäus 22:4

No hott eah viddah anri shaff-leit naus kshikt un hott eena ksawt, ‘Sawwet selli vo kaysa sinn, gukket moll, ich habb mei essa grisht, mei oxa un mei feddi hamlen sinn kshlachta un alles is grisht. Kummet an di hochtzich.’

Matthäus 9:13

Avvah gaynd un lannet vass dess maynd. ‘Ich gukk fa bamhatzichkeit, nett fa opfahra.’ Ich binn kumma di sindah roofa fa boos du, un nett di gerechta.”

1. Samuel 15:22

Da Samuel hott no ksawt, “Hott da Hah may blesiah in opfahra un brand-opfahra es vi em Hah sei shtimm heicha? Gukk moll, fa heicha is bessah es opfahra, un fa's du is bessah es es fett funn shohf-bekk.